Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Embo lange lomahokololo Ombibeli

OSHITUKULWA 6

Okudja eshi Jesus a dalwa fiyo okufya kwaye

Okudja eshi Jesus a dalwa fiyo okufya kwaye

Omweengeli Gabriel okwa li a tumwa kuKalunga a ye komukainhu muwa omunyasha wedina Maria. Okwa li a lombwela Maria kutya ota ka dala okaana oko taka ka pangela ke li ohamba fiyo alushe. Okaana oko oka li ka lukwa Jesus. Jesus okwa li a dalelwa moshiunda shoimuna, novafita voimuna ova li have uya oku mu talela po. Lwanima, opa li pa holoka onyofi imwe oyo ya li ya wilika ovalumenhu va dja koushilo ve uya okutala Jesus. Ohatu ke lihonga kutya olyelye a li e va ulikila onyofi oyo nongahelipi Jesus a xupifwa momake aavo va li tava kendabala oku mu dipaa.

Natango, ohatu ka mona eshi Jesus a li ta popi novalongindjovo motembeli fimbo a li e na omido 12. Konima eshi pa pita omido 18, Jesus okwa li a ninginifwa nokwa li a hovela okuudifa Ouhamba nokuhonga ovanhu osho Kalunga a li e mu tumina kombada yedu. Ndele opo a wanife po oshilonga shaye, okwa li a hoolola ovalumenhu 12 va ninge ovayapostoli vaye.

Jesus okwa li yo a longa oikumwifilonga ihapu. Okwa li a kutifa ovanhu omayovi neeshi dinini nosho yo nomingome dinini. Okwa li a velula ovanaudu nokwa li a nyumuna ovafi. Xuuninwa, ohatu ke lihonga kombinga yoinima ihapu oyo ya li ya ningilwa Jesus pexulilo longhalamwenyo yaye nonghee a ka dipawa. Jesus okwa li a udifa oule womido nhatu netata. Oshitukulwa 6 otashi hokolola oiningwanima oyo ya li ya ningwa moule womido di dule 34 lwaapo.

 

MOSHITUKULWA ESHI

EHOKOLOLO 84

Omweengeli te lihololele Maria

A eta etumwalaka la dja kuKalunga: Maria ota ka dala okaana oko taka ka ninga ohamba yaalushe.

EHOKOLOLO85

Jesus ta dalelwa moshiunda shoimuna

Omolwashike ohamba yomonakwiiwa ya dalelwa monhele yokulila oimuna?

EHOKOLOLO 86

Ovalumenhu tava kwatelwa komesho konyofi

Olyelye a li ta wilike ovanongo veenyofi va ye kuJesus? Enyamukulo otashi dulika li ku kumwife.

EHOKOLOLO 87

Omunyasha Jesus e li motembeli

Okwa li nokuli a kumwifa ovanamido, ovo va li hava hongo motembeli.

EHOKOLOLO 88

Johannes ta ninginifa Jesus

Johannes okwa kala ha ninginifa ovalunde, ashike Jesus ina longa nandenande oulunde washa. Omolwashike Johannes a ninginifa Jesus?

EHOKOLOLO 89

Jesus ta taataa ovashingifi motembeli

Jesus okwa li a handuka molwaashi okwa li e hole otembeli yaKalunga.

EHOKOLOLO 90

Jesus a shakena nomukainhu pondungu

Ongahelipi omeva oo Jesus ta yandje tae mu kwafele aha fye vali enota?

EHOKOLOLO 91

Jesus ta udifile ovanhu komhunda

Lihonga kombinga younongo wa denga mbada mEudifo lokOmhunda.

EHOKOLOLO 92

Jesus ta nyumuna ovafi

Pakwafo leenghono daKalunga, Jesus okwa li a popya oitya ivali i li paunafangwa ndele ta nyumuna okamonakadona kaJairus.

EHOKOLOLO 93

Jesus ta palula eemhunga dovanhu

Eshi Jesus a palula ovanhu omayovi pashikumwifilonga, okwa ulika oshitwa shilipi sha fimana?

EHOKOLOLO 94

Jesus okwa li e hole ounona vanini

Jesus okwa li a honga ovayapostoli vaye kutya ova pumbwa okulihonga shihapu kombinga younona vanini nokulihonga ko sha kuvo.

EHOKOLOLO 95

Onghedi yaJesus yokuhonga

Eyele laJesus lOmusamaria omunamutimanghenda oli li oshihopaenenwa shonghedi yokuhonga oyo a li ha longifa luhapu.

EHOKOLOLO 96

Jesus ta velula ovanaudu

Jesus okwa li a pondola shike eshi a longa oikumwifilonga aishe oyo?

EHOKOLOLO 97

Jesus te uya muJerusalem e li ngaashi Ohamba

Okwa li a hambelelwa keemhunga dovanhu, ashike haaveshe va li ve shi hafela.

EHOKOLOLO 98

Jesus e li kOmhunda yEemono

Jesus ta lombwele ovayapostoli vaye vane kombinga yoinima oyo tai ningwa kunena.

EHOKOLOLO 99

Jesus novahongwa vaye va ongala monduda yopombada

Omolwashike Jesus a li a lombwela ovahongwa vaye va kale tava li ouvalelo oo we likalekelwa omudo keshe?

EHOKOLOLO 100

Jesus moshikunino shaGetsemane

Omolwashike Judas a kengelela Jesus nexupito?

EHOKOLOLO 101

Jesus ta dipawa

Fimbo a li pokufya e li komuti womahepeko, okwa li a ninga eudaneko li na sha noparadisa.

Lihonga shihapu

Jesus Kristus oye lyelye?

Lihonga kutya omolwashike Jesus a li a fya, ekulilo oshike nonokutya Jesus ota ningi shike paife.