Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Embo lange lomahokololo Ombibeli

OSHITUKULWA 5

Okudja eshi Ovaisrael va twalwa moukwatwa kuBabilon fiyo osheshi ekuma laJerusalem la tungululwa

Okudja eshi Ovaisrael va twalwa moukwatwa kuBabilon fiyo osheshi ekuma laJerusalem la tungululwa

Ovaisrael ova li va taalela omayeleko mahapu eitavelo fimbo va li moukwatwa muBabilon. Sadrak, Mesak naAbednego ova li va ekelwa mediko lomundilo wa hanya, ndele Kalunga okwe va xupifa. Eshi Babilon sha li sha findwa kOvamedia nOvapersia, Daniel okwa li a ekelwa mekololo leenghoshi, ndele Kalunga okwa li yo e mu amena, mokumatifa omakanya eenghoshi.

Xuuninwa, ohamba yOvapersia, Kores, oya ka mangulula Ovaisrael. Ova li va alukila koshilongo shavo konima yomido 70 odo va kala moukwatwa muBabilon. Eshi va dja moukwatwa, ova li va hovela okutungulula otembeli yaJehova muJerusalem. Ndelenee ovatondi vavo ova ka ya diva moshipala oilonga yavo yokutunga. Onghee hano, ova li va mana okutungulula otembeli konima yomido 22 okudja eshi va dja moukwatwa.

Natango, ohatu ke lihonga kombinga yolweendo laEsra lokushuna kuJerusalem a ka wapekulule otembeli. Osho osha li sha ningwa konima yomido 47 lwaapo okudja eshi otembeli ya pwa okutungululwa. Opo nee, konima yomido 13 eshi Esra a li e uya kuJerusalem, Nehemia okwa li a ka kwafela okutungulula ekuma laJerusalem olo la li la teka po. Oshitukulwa eshi oshititano otashi hepaulula oiningwanima oyo ya li ya ningwa moule womido 152.

 

MOSHITUKULWA ESHI

EHOKOLOLO 77

Ovalumenhu vatatu tava anye okulinyongamena oshihongwafano

Mbela Kalunga okwa li ngoo ta ka xupifa ovalumenhu ovanyasha vatatu ovo ovadiinini mediko lomundilo?

EHOKOLOLO 78

Eshangelo lokekuma

Omuprofeti Daniel ta fatulula eityo leshangelo lokekuma.

EHOKOLOLO 79

Daniel mekololo leenghoshi

Daniel okwa li a tokolelwa efyo, ndele mbela okwa li ta dulu okuhenuka etokolo olo?

EHOKOLOLO 80

Oshiwana shaKalunga tashi di muBabilon

Ohamba Kores yOvapersia oya li ya wanifa po exunganeko limwe eshi ya li ya kwata ko Babilon, nokwa wanifa po vali exunganeko limwe.

EHOKOLOLO 81

Ovaisrael ova li ve lineekela Jehova

Ovaisrael kava li va dulika keemhango dovanhu opo va dulike kuKalunga. Mbela Kalunga okwa li ngoo te ke va nangeka noupuna?

EHOKOLOLO 82

Mordekai naEster

Omumbada Vasti okwa li muwa moshipala, ashike nande ongaho ohamba Ahasveros okwa li e mu pingenapo nomumbada Ester. Omolwashike mbela?

EHOKOLOLO 83

Okutungululwa kwekuma laJerusalem

Eshi ovanhu va li tava tungulula ekuma, ova li ve na okukala va longekida omaonga nomaongamukonda avo efimbo keshe.