Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Embo lange lomahokololo Ombibeli

 EHOKOLOLO 75

Ovamati vane ve li moukwatwa muBabilon

Ovamati vane ve li moukwatwa muBabilon

KONIMA eshi Jerusalem sha li sha kwatwa ko kuBabilon, ohamba Nebukadnesar oya li ya ongela ovahongwanhu aveshe vomuIsrael ndele tai va twala kuBabilon. Konima yefimbo, ohamba oya ka hoolola mo natango ovamati ava ve na ondjelo iwa nove na ounongo muhapu. Vamwe vomuvo ovamati vane ovo u wete mefano olo. Umwe womovamati ovo edina laye oDaniel nosho yo ookaume kaye vatatu ovo va li va lukwa kOvababilon omadina aa: Sadrak, Mesak naAbednego.

Nebukadnesar okwa li a konga ondunge yokudeula ovalumenhu ovo ovanyasha opo va kale tave mu longele mombala yaye. Ovamati ovo okwa li tava ka pewa omadeulo, nokonima yeedula nhatu ohamba oya li tai ka hoolola mo ovamati ovo ovanaendunge elela opo va kale tave i kwafele mokukandula po omaupyakadi ayo. Ohamba oya li yo ya hala ovamati ovo tava deulwa va kale ovanaenghono nove na oukolele muwa. Onghee hano, oya li ya yandja elombwelo kovapiya vayo kutya ovamati aveshe nava pewe oikulya oyo i na oitungifi nosho yo omaviinyu. Ova li ve na okulya oikulya ngaashi naanaa oyo ya li hai liwa kohamba nokoukwaneumbo wayo.

Tala komunyasha Daniel mefano olo! Mbela ou shi shii kutya Daniel ota lombwele Aspenas shike? Aspenas omukulunhu womalenga aNebukadnesar. Daniel ote mu lombwele kutya ina hala okulya eendja odo diwa tadi di koshitaafula shohamba. Ndele Aspenas ka li a dimina, molwaashi okwa li a tila. Okwa ti: ‘Ohamba oya tokola nale kutya otamu li shike notamu nu shike. Ngeenge omwa kala muhe na oukolele ngaashi ovamati vakweni, ohamba otashi dulika i dipae nge.’

Onghee hano, Daniel okwa ka popya vali nomupashukili oo a tulwa po kuAspenas e va pashukile nookaume kaye vatatu. Daniel okwa ti kuye: ‘Alikana tu yeleka oule womafiku 10, to tu pe ashike oikwambidi tu lye nomeva okunwa. Opo nee konima yaasho, tu yelekanifa novamati vakwetu ovo hava li oikulya yohamba ndele to tale kutya velipi po tava monika nawa kolutu.’

Omupashukili wavo okwa li a dimina oku va yeleka oule womafiku 10. Eshi omafiku oo a pita, Daniel nookaume kaye vatatu ova li tava monika ve na oukolele ve dule ovamati vakwao aveshe. Onghee hano, omupashukili okwe va pitika va kale tava li oikwambidi ponhele yeendja odo da yandjwa kohamba.

Eshi omido nhatu da pwa ko, ovalumenhu aveshe ovanyasha ova twalwa kohamba Nebukadnesar. Ndele eshi ohamba ye va konakona, oya mona kutya Daniel nookaume kaye vatatu ova li ovanaendunge elela ve dule ovamati vakwao. Onghee hano, oye va eta va kale hava di mombala, opo va kale tave mu kwafele. Ngeenge pa holoka kwa li oupyakadi wa kwata moiti ile ohamba i na omapulo onhumba, Daniel, Sadrak, Mesak naAbednego ova li hava yandje omanyamukulo nomayele mawa e dule kokule oo ovapristeri ile ovanongo vohamba lwoikando 10.

Daniel 1:1-21.

Lihonga shihapu

Daniel mekololo leenghoshi

Daniel okwa li a tokolelwa efyo, ndele mbela okwa li ta dulu okuhenuka etokolo olo?

Ovalumenhu vatatu tava anye okulinyongamena oshihongwafano

Mbela Kalunga okwa li ngoo ta ka xupifa ovalumenhu ovanyasha vatatu ovo ovadiinini mediko lomundilo?