Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Embo lange lomahokololo Ombibeli

 EHOKOLOLO 71

Kalunga ta udaneke Oparadisa ipe

Kalunga ta udaneke Oparadisa ipe

EFANO olo otali monika ngaashi oparadisa oyo Kalunga tashi dulika a li a ulikila omuprofeti waye Jesaja. Omuprofeti Jesaja okwa li kombada yedu konima yokafimbo kaxupi eshi Jona a fya.

Oparadisa otashi ti “oshikunino” ile “oparka.” Mbela efano olo loparadisa otali ku dimbulukifa oshinima shonhumba twe shi lihonga nale membo eli? Otali monika ngaashi oshikunino shiwashiwa shaEden, osho Jehova Kalunga a li a shitila Adam naEva, hasho mbela? Mbela edu alishe onali ka ninge ngoo oparadisa fiku limwe?

Jehova okwa li a lombwela omuprofeti waye Jesaja a shange kombinga yoparadisa ipe omo tamu ka kala ovalongelikalunga vashili. Okwe mu lombwela a shange ta ti: ‘Omambungu needi otadi ka kalafana nombili. Outana nounghoshona otava ka lila mumwe, notava ka lifwa kokamati kanini. Nokuli nokaana kanini otaka ka danaukifa eyoka loudiyo, ndele itali ka ningi sha.’

Ovanhu vahapu otashi dulika va tye: ‘Ahowe, osho itashi shiiva nandenande, molwaashi kombada yedu okwa kala omaupyakadi mahapu notaa twikile natango.’ Ndele diladila kwaashi: Kalunga okwa li a dikila Adam naEva eumbo la tya ngahelipi?

Kalunga okwa li a tula Adam naEva moparadisa. Ova ka kanifa ashike eumbo lavo olo liwa, nova ka kulupa nokufya, molwaashi kava li va dulika kuKalunga. Ndele mepingafano naasho, Kalunga okwa udanekela ovanhu ovo ve mu hole kutya ote ke va pa oinima aishe iwa oyo Adam naEva va kanifa.

Moparadisa ipe itamu ka kala nande osha osho tashi ka etifa oupyakadi washa. Otamu ka kala ombili filufilu. Ovanhu aveshe otava ka kala ve na oukolele nove udite elao. Onghalamwenyo otai ka kala ashike ngaashi Kalunga a li a lalakanena pehovelo. Ashike ohatu ke lihonga shihapu shi na sha nanghee Kalunga ta ka ninga edu oparadisa momatukulwa e li komesho.

Jesaja 11:6-9; Ehololo 21:3, 4.