Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Embo lange lomahokololo Ombibeli

OSHITUKULWA 3

Okudja eshi Ovaisrael va mangululwa moupika waEgipti fiyo osheshi pa nangekwa ohamba yotete yaIsrael

Okudja eshi Ovaisrael va mangululwa moupika waEgipti fiyo osheshi pa nangekwa ohamba yotete yaIsrael

Moses okwa li a kwatela komesho Ovaisrael okudja moupika waEgipti fiyo ve uya pomhunda yaSinai, opo Kalunga e va pela oipango. Lwanima Moses okwa li a tuma eendadi 12 di ka lave edu laKanaan. Eendadi 10 oda li da etelela ehokololo lii. Eendadi odo 10 oda li da shololifa ovanhu vahapu, nomolwaasho ova li va hala okushuna kuEgipti. Kalunga okwa li a handukila Ovaisrael omolwokuheneitavelo kwavo. Ova li va pewa ehandukilo lokukala tava elaela mombuwa oule womido 40.

Lwopexulilo lomido odo, Josua okwa li a hoololwa a ninge omukwatelikomesho wOvaisrael eshi tava i medu laKanaan. Jehova okwa li a longa natango oikumwifilonga opo va dule okuya medu olo. Okwa li a kangheka omeva omulonga waJordan, okwa li a teyaula po omakuma aJeriko nokwa li a kangheka etango oule wefiku alishe. Kanaan ashishe osha li sha kwatwa ko moule womido hamano.

Oshiwana shaIsrael osha li sha pangelwa kovatokolipangeli oule womido 356. Josua oye a li omutokolipangeli wotete waIsrael. Ohatu ke lihonga kombinga yovatokolipangeli vahapu, mwa kwatelwa Balak, Gideon, Jefta, Simson naSamuel. Ohatu ke lihonga yo kombinga yovakainhu vonhumba ngaashi Rahab, Debora, Jael, Rut, Naomi naDelila. Oiningwanima aishe oyo i li moshitukulwa eshi oshititatu oya ningwa moule womido 396.

 

MOSHITUKULWA ESHI

EHOKOLOLO 34

Oikulya ipe

Oikulya oyo ye likalekelwa ya dja kuKalunga oya li hai u meulu.

EHOKOLOLO 35

Jehova ta yandje oipango

Oipango ivali ilipi ya fimanenena i dule oipango omulongo?

EHOKOLOLO 36

Onhana yoshingoli

Oshike sha ningifa ovanhu va ilikane oshihongwafano sha longwa momangola oo haa hengumuka po?

EHOKOLOLO 37

Etwali lelongelokalunga

Medimo linini omwa li mu na oshikefa shehangano.

EHOKOLOLO 38

Eendadi 12

Eendadi omulongo otadi popile oshinima shimwe, ashike dikwao mbali otadi popile shimwe shi lili. Ovaisrael ova itavela po velipi?

EHOKOLOLO 39

Onhaili yaAron ya mena eengala

Ongahelipi oshiti shikukutu sha dula okutwiyuka eengala nokwiima oiimati ya pya moufiku umwe?

EHOKOLOLO 40

Moses ta denge emanya

Moses okwa li a denga emanya ndele tali di omeva, ashike okwa li a handukifa Jehova

EHOKOLOLO 41

Eyoka loshivela shitwima

Omolwashike Kalunga a tuma omayoka e na oudiyo e uye okulya Ovaisrael?

EHOKOLOLO 42

Ondongi tai popi

Ondongi yaBileam oya li ya mona oshinima osho Bileam a li ehe wete.

EHOKOLOLO 43

Josua ta ningi omuwiliki

Ngeenge Moses okwa li e na natango eenghono, omolwashike a li a pumbwa okupingenwa po kuJosua?

EHOKOLOLO 44

Rahab ta holeke eendadi

Rahab okwa li a kwafela ngahelipi ovalumenhu ovo vavali, nokwa li e va pula ve mu ningile shike?

EHOKOLOLO 45

Ovaisrael tava tauluka omulonga waJordan

Opa li pa longwa oshikumwifilonga eshi ovapristeri va lyata momeva

EHOKOLOLO 46

Okuteka po kwomakuma aJeriko

Ongahelipi ongodi ya li ya ningifa ekuma liha we po?

EHOKOLOLO 47

Ombudi oyo ya li mokati kOvaisrael

Mbela otashi shiiva ngoo omunhu umwe oo a longa owii a etele oshiwana ashishe omaupyakadi?

EHOKOLOLO 48

Ovagibeon ovanaendunge

Ova li va kengelela Josua nOvaisrael va ninge eudafanotwokumwe navo, nOvaisrael ova li metwokumwe neudaneko lavo.

EHOKOLOLO 49

Etango la kanghama pokati keulu

Jehova okwa li a ningila Josua oshinima osho a li ina ninga nande onale noine shi ninga vali.

EHOKOLOLO 50

Ovakainhu vavali omapenda

Ngeenge Barak oye a li ta kwatele komesho etangakwaita laIsrael moita, omolwashike Jael oye a li a tumbalekwa?

EHOKOLOLO 51

Rut naNaomi

Rut okwa fiya po oshilongo shavo a ka kale naNaomi va longele Jehova.

EHOKOLOLO 52

Gideon novakwaita vaye 300

Kalunga okwa li a hoolola ovakwaita vomuvalu munini a longifa omukalo wokunwa omeva.

EHOKOLOLO 53

Jefta ta udanekele Jehova eudaneko

Eudaneko olo a li a udanekela Jehova kala li ashike le mu kuma oye aeke, ndele ola li yo la kuma omonakadona.

EHOKOLOLO 54

Omulumenhu omunaenghono

Ongahelipi Delila a li a dula okushiiva oshiholekwa sheenghono daSimson?

ETUKULWA 55

Okamati kanini taka longele Kalunga

Kalunga okwa longifa omunyasha Samuel a lombwele omupristeri omukulunhu Eli kutya Jehova ote ke mu handukila novanamati vaye.