Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Embo lange lomahokololo Ombibeli

OSHITUKULWA 2

Okudja pEyelu laNoa fiyo osheshi Ovaisrael va mangululwa moupika waEgipti

Okudja pEyelu laNoa fiyo osheshi Ovaisrael va mangululwa moupika waEgipti

Opa li ashike pa xupa ovanhu vahetatu pefimbo lEyelu, ndele mokweendela ko kwefimbo, ovanhu ova ka hapupala neenghono. Abraham okwa ka dalwa eshi pa pita omido 352 okudja pEyelu. Ohatu ke lihonga kombinga yanghee Kalunga a li a wanifa po eudaneko laye olo a li a udanekela Abraham. Kalunga okwa li a udanekela Abraham okaana okamati, naAbraham okwe ka luka Isak. Isak okwa ka dala ovamati vavali. Kalunga okwa li a hokwa Jakob umwe womovanamati vavali vaIsak.

Jakob okwa ka kala e na oukwaneumbo wa kula. Okwa li e na ovanamati 12 nosho yo ovanakadona. Ovanamati vaJakob 10 ova li ve tonde ondenge yavo Josef nova li ve mu landifa po a ka ninge omupika kuEgipti. Lwanima, Josef okwa ka ninga omupangeli a fimana muEgipti. Eshi kwa li ondjala inene, ovamwaxe vaJosef ova li va ya kuEgipti. Josef okwa li a yeleka ovamwaxe a tale ngeenge ova lundulula ngoo oikala yavo. Hauxuuninwa, oukwaneumbo waJakob aushe, Ovaisrael, owa li wa tembukila kuEgipti. Osho osha li sha ningwa pa pita omido 290 okudja eshi Abraham a dalwa.

Ovaisrael ova ka kala muEgipti oule womido 215 okudja eshi va tembukila oko. Eshi Josef a fya, Ovaisrael ova ka ningwa ovapika kOvaegipti. Lwanima, Moses okwa ka dalwa. Kalunga okwe ke mu pa oshinakuwanifwa shokumangulula Ovaisrael moupika waEgipti. Oiningwanima aishe oyo tai hokololwa moshitukulwa eshi oshitivali oya ningwa moule womido 857 adishe kumwe.

 

MOSHITUKULWA ESHI

EHOKOLOLO 11

Outa wodula wotete

Ngeenge owa mono outa wodula, ou na oku ku dimbulukifa shike?

EHOKOLOLO 12

Ovanhu tava tungu oshungo inene

Kalunga ka li a hafa, nehandukilo olo a li a yandja ola kuma ovanhu fiyo okunena.

EHOKOLOLO 13

Abraham okwa li kaume kaKalunga

Omolwashike Abraham a li a fiya po eumbo laye liwa a ka kale meetenda okukalamwenyo kwaye akushe?

EHOKOLOLO 14

Kalunga ta yeleke eitavelo laAbraham

Omolwashike Kalunga a li a pula Abraham a yambe po omona waye?

EHOKOLOLO 15

Omukulukadi waLot ta tale konima

Osho omukulukadi waLot a ninga itashi tu hongo nande oshilihongomwa tashi tungu.

EHOKOLOLO 16

Isak ta hombola omukainhu muwa

Oshike sha ningifa Rebekka a kale omukainhu muwa? Mbela ouwa womoshipala ile oshinima shimwe shi lili?

EHOKOLOLO 17

Oumati va dalwa epasha, ndele inava faafana

Xe Isak okwa li e hole unene Esau, ashike ina Rebekka okwa li e hole unene Jakob.

EHOKOLOLO 18

Jakob ta i kuHaran

JaKob okwa hombola tete Lea nonande okwa li e hole Rakel.

EHOKOLOLO 19

Oukwaneumbo waJakob tau hapupala

Mbela omapata 12 aIsrael okwa lukilwa ovana vaJakob 12?

EHOKOLOLO 20

Dina ta i moupyakadi

Oilanduliko oyo ya dja mookaume va puka.

EHOKOLOLO 21

Josef a tondwa kovamwaxe

Oshike tashi dulika sha li sha ningifa vamwe va kale va hala okudipaa omumwaxe?

EHOKOLOLO 22

Josef ta tulwa modolongo

Josef ina tulwa modolongo molwaashi a nyona omhango, ndele osheshi a ninga osho shi li mondjila.

EHOKOLOLO 23

Eendjodi daFarao

Eengobe heyali nomitwe heyali doilya otadi faneke oshinima sha faafana.

EHOKOLOLO 24

Josef ta yeleke ovamwaxe

Okwa li a shiiva ngahelipi kutya kave na vali oikala ii oyo va li ve na eshi va li ve mu landifa po?

EHOKOLOLO 25

Oukwaneumbo waJakob tau tembukile kuEgipti

Omolwashike oukwaneumbo waJakob hau ifanwa Ovaisrael ponhele yokwiifanwa Ovakwajakob?

EHOKOLOLO 26

Job okwa li omudiinini kuKalunga

Job okwa li a kanifa eliko laye, oukolele nokufilwa ovana vaye. Mbela Kalunga okwa li a handukila Job?

EHOKOLOLO 27

Ohamba i na onyanya tai pangele muEgipti

Omolwashike ohamba ya lombwela ovanhu vayo va dipaa ounona voumati aveshe vOvaisrael?

EHOKOLOLO 28

Nghee Moses a xupifwa fimbo a li okahanana

Ina yaMoses okwa li a dula okuxupifa ohanana yaye oyo ya li ina okudipawa pamhango oyo ya li ya yandjwa kutya ounona voumati aveshe vOvaisrael ove na okudipawa.

EHOKOLOLO 29

Moses tai onhapo okudja muEgipti

Eshi Moses a li e na omido 40, okwa li ta diladila kutya okwa wana okuxupifa Ovaisrael, ashike ka li a wana natango.

EHOKOLOLO 30

Oshixwa sheno sha tema omundilo

Kalunga okwa longifa oikumwifilonga ya shikulafana eshi a li ta lombwele Moses kutya efimbo lokumangulula Ovaisrael muEgipti ola fika.

EHOKOLOLO 31

Moses naAron tava i kuFarao

Omolwashike Farao ina hala okupwilikina kuMoses nokweefa Ovaisrael va ye?

EHOKOLOLO 32

Omahandukilo 10

Kalunga okwa li a pa Ovaegipti omahandukilo 10 molwaashi omupangeli waEgipti Farao ka li a hala Ovaisrael va ye.

EHOKOLOLO 33

Ovaisrael tava tauluka Efuta Litilyana

Moses okwa tukula pokati Efuta Litilyana keenghono daKalunga nOvaisrael ova li va enda poukukutu.