Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 OSHILESHWA 13

Oumhulile noulodi oyo oinima ii

Oumhulile noulodi oyo oinima ii

Satana okwa hala u kale to longo oilonga youmhulile. Ovanhu vahapu ohava fiyawile kooxekulululwa ile kovafifi opo ve va amene koiponga. Eshi ohave shi ningi molwaashi ova tila eenghono domouhamba weemhepo. Ohava djala eelinga nosho yo ouvela vokomaoko voumhulile. Ohava nu ile ve livaeke komalutu “oimbodi” oyo tai fekelwa kutya oi na eenghono doumhulile. Ovanhu vamwe momaumbo avo ile momapya avo ova fudika mo oinima oyo va itavela kutya oi na eenghono doku va amena. Vamwe ohava longifa “oimbodi” youmhulile molwaashi ova itavela kutya otai va etele omupondo meengeshefa davo, momakonakono ofikola, ile mokweendelafana.

Osho tashi ke ku amena inaku shiya vali kuSatana osho okukala u na Jehova e li kaume koye. Jehova Kalunga osho yo ovaengeli vaye ove na eenghono di dule daSatana kokule neendemoni daye. (Jakob 2:19; Ehololo 12:9) Jehova okwa hala okuulika eenghono daye okupitila mokukwafela ookaume kaye — ovo ve li ovadiinini muye. — 2 Omafimbo 16:9.

Eendjovo daKalunga otadi ti: “Inamu kala neemhule.” Jehova ota pangula oumhulile nosho yo oulodi, molwaashi oinima oyo otai tula omunhu koshi yepangelo laSatana Ondiaboli. — Leviticus 19:26.