Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 OSHILESHWA 9

Oolyelye ve li ookaume kaKalunga?

Oolyelye ve li ookaume kaKalunga?

Jesus Kristus oye Omona waJehova noku li yo kaume kaye kopofingo omuholike. Manga ine uya okukala kombada yedu e li omunhu, Jesus okwa kala meulu e li oshishitwa shopamhepo oshinaenghono. (Johannes 17:5) Opo nee okwe uyile kedu okuhonga ovanhu oshili kombinga yaKalunga. (Johannes 18:37) Okwa yandja yo omwenyo waye opo ovanhu ovaduliki va xupifwe moulunde nefyo. (Ovaroma 6:23) Jesus paife oku li Ohamba yOuhamba waKalunga, epangelo lomeulu olo tali ka eta Oparadisa kedu eli. — Ehololo 19:16.

Ovaengeli navo yo ookaume kaKalunga. Ovaengeli inava hovela okukalamwenyo kwavo kombada yedu ngaashi ovanhu. Ova shitilwa meulu omanga Kalunga ina shita edu. (Job 38:4-7) Oku na ovaengeli omamiliyona. (Daniel 7:10) Ookaume kaKalunga vomeulu ava ova hala ovanhu ve lihonge oshili kombinga yaJehova.—Ehololo 14:6, 7.

Kalunga oku na yo ookaume kaye kombada yedu; ohe va ifana eendombwedi daye. Omunhu oo e li ondombwedi momhangu oha popi osho e shii kombinga yaumwe ile yoshinima shonhumba. Eendombwedi daJehova ohadi lombwele ovanhu eshi di shii kombinga yaJehova osho yo elalakano laye. (Jesaja 43:10, NW) Ngaashi ashike ovaengeli, Eendombwedi oda hala oku ku kwafela u lihonge oshili kombinga yaJehova. Oda hala u ninge yo kaume kaKalunga.