Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Ombibeli oi na etumwalaka lilipi?

The Bible’s Message—An Overview

The Bible’s Message—An Overview
  1. Jehova okwa li a shita Adam naEva nelalakano va kale nomwenyo fiyo alushe mOparadisa. Satana okwa shekifa edina laKalunga nokwa tula momalimbililo oufemba waKalunga wokupangela. Adam naEva ova li va pwilikina kuSatana ndele navo tava ningi ovanashibofa, naasho osha etifa oulunde nefyo, oyo ya tandavela movanhu aveshe

  2. Jehova okwa li a katukila ovanashibofa ovo onghatu moku va pa omahandukilo. Okwa li a udaneka kutya otape ke uya Omuxupifi ile Oludalo olo tali ka hanauna po Satana nokuxulifa po oilanduliko aishe younashibofa noulunde

  3. Jehova okwa li a udanekela Abraham nosho yo David kutya otava ka kala ooxekulululwa vOludalo ile Messias, oo a li ta ka ninga Ohamba yaalushe

  4. Jehova okwa li a nwefa mo ovaprofeti va xunganeke kutya Messias ota ka xulifa po oulunde nefyo. Ouhamba waKalunga oo u li meke laMessias novapangeli pamwe naye otau ka xulifa po oita, omikifi nosho yo efyo

  5. Jehova okwa li a tuma Omona waye kombada yedu nokwa li a ulika kutya Omona oye Messias. Jesus okwa li a udifa kombinga yOuhamba waKalunga nokuyamba po omwenyo waye u ninge oikulila. Opo nee Jehova okwa li e mu nyumuna e li oshishitwa shopamhepo

  6. Jehova okwa nangeka po Omona waye e li Ohamba meulu, nokudja opo omafiku axuuninwa onghalelo ei yoinima okwa li a hovela. Paife Jesus ota wilike ovashikuli vaye ovo ve li kombada yedu eshi tava udifa kombinga yOuhamba waKalunga mounyuni aushe

  7. Jehova ota ka wilika Omona waye opo e uye a pangele edu alishe okupitila mOuhamba. Ouhamba oo otau ka hanauna po omapangelo aeshe makolokoshi, notau ka eta Oparadisa nokutwala ovanhu ovadiinini mewaneneno. Hauxuuninwa, oufemba waJehova wokupangela otau ka yukipalifwa nedina laye otali ka yapulifwa fiyo alushe