Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Oolyelye tava longo ehalo laJehova kunena?

 OSHILESHWA 11

Omolwashike hatu ningi oyoongalele?

Omolwashike hatu ningi oyoongalele?

Meksiko

Ndowishi

Botswana

Nicaragua

Italia

Omolwashike ovanhu ovo ve li mefano tava monika va hafa? Ove li poshoongalele shEendombwedi daJehova. Ngaashi ashike ovapiya vaKalunga vomefimbo lonale va li va lombwelwa va kale hava ongala lutatu modula, nafye ohatu kala twa teelela nodjuulufi oyoongalele yetu opo hatu ongala momuvalu muhapu. (Deuteronomion 16:16) Omudo keshe, ohatu kala tu na oyoongalele yopatatu: oyoongalele yoshikandjo yopavali yefiku limwe nosho yo oshoongalele shoshitukulwa shomafiku atatu. Ouwa ulipi hatu mono poyoongalele oyo?

Ohai pameke ekwatafano letu novamwatate. Ngaashi ashike Ovaisrael va li hava kala va hafa eshi tava hambelele Jehova “moiongalele yeongalo,” nafye ohatu hafele okulongela Jehova pamwe poyoongalele yetu oyo hai kala eemhito de likalekelwa. (Epsalme 26:12; 111:1) Oyoongalele ya tya ngaho ohai kala omhito iwa kEendombwedi odo da dja komaongalo e lili noku lili ile koilongo i lili noku lili okushakena nokuhafela eendafano liwa. Ohatu hafele omusha pamwe ponhele opo tapa ningilwa oshoongalele, nohatu kala tu udite tu li moukumwe peemhito ditunhula da tya ngaho. (Oilonga 2:42) Poyoongalele oyo inene, ohatu mono nghee ohole hai tu hanganifa ‘novamwatate’ ovo va dja keenhele di lili noku lili. — 1 Petrus 2:17.

Ohai tu kwafele tu ninge exumokomesho pamhepo. Ovaisrael ova li hava mono ouwa muhapu poyoongalele yavo. Pashihopaenenwa, Ombibeli oya popya shi na sha noshoongalele shimwe ya ti kutya oshiwana shaIsrael “osha li shi [udite ko] eendjovo she di lombwelwa.” (Nehemia 8:8, 12) Nafye kunena ohatu kala twa lenga ehongo lOmbibeli olo hatu mono poyoongalele yetu. Oshoongalele keshe ohashi kala shi na oshipalanyole she likolelela kOmbibeli. Ohapa kala oipopiwa ihokwifa nosho yo omauliko, oyo hai tu kwafele tu mone nghee hatu dulu okutula moilonga osho hatu lihongo. Ngeenge hatu udu oimoniwa yOvakriste vakwetu ovo va ungaunga nomupondo nomashongo oo va shakeneka momafimbo aa madjuu, ohashi tu tu omukumo. Poyoongalele yoitukulwa ohapa kala oinyandwa ye likolelela komahokololo Ombibeli, oyo hai tu kwafele tu ude ko nawa omahokololo oo noilihongomwa oyo ya kwatelwa mo. Poshoongalele keshe ohapa ninginifwa ovo va hala okuulika kutya ove liyapulila Kalunga.

  • Omolwashike oyoongalele hai kala eemhito dehafo?

  • Ouwa ulipi to ka mona mokukala poshoongalele shetu?

Lihonga shihapu

Okatukulwa kokavidio: Oyoongalele yokomudo yEendombwedi daJehova

Tala kutya omolwashike ovanhu omamiliyona mounyuni aushe have uya koshiningwanima osho she likalekelwa.