Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Oolyelye tava longo ehalo laJehova kunena?

 OSHILESHWA 6

Ouwa ulipi hatu mono mokweendafana nOvakriste vakwetu?

Ouwa ulipi hatu mono mokweendafana nOvakriste vakwetu?

Madagascar

Norway

Lebanon

Italia

Ohatu kala pokwoongala kwopaKriste pandjikilile kutya nee onghalo yomhepo oi kale ya tya ngahelipi ile otashi tu pula tu ende eendjila dile momaluxwa. Omolwashike Eendombwedi daJehova hadi ningi eenghendabala di ye kokwoongala opo di dule okweendafana novaitaveli vakwao nonande ohadi shakeneke omashongo monghalamwenyo ile tashi dulika hadi kala da loloka konima yoilonga?

Okweendafana nOvakriste vakwetu ohaku tu tungu. Paulus okwa li a shangela Ovakriste vakwao shi na sha nokwoongala a ti: “Tu filafaneni oshisho.” (Ovaheberi 10:24) Outumbulilo oo owa hala okutya “okudiladila moule kombinga” yavamwe, ile tu tye, okushiiva vamwe nawa. Kungaho, Paulus ote tu ladipike opo tu kale tu na ko nasha navamwe. Ngeenge otwa kendabala tu shiive nawa Ovakriste vakwetu nosho yo omaukwaneumbo avo, ohatu ka mona kutya vamwe vomuvo ova ungaunga nomupondo nomashongo a faafana naao etu notava dulu oku tu kwafela tu shi pondole yo.

Okweendafana ohaku tu kwafele tu pange oukaume. Okwoongala ohaku tu pe omhito tu pange oukaume wopofingo, ndele hakukala ashike tu shaafane. Omafimbo amwe, ohatu hafele pamwe omalihafifo taa tungu. Ouwa ulipi hatu mono peemhito da tya ngaho? Ohashi tu pe omhito tu shiive nawa omaukwatya avamwe mawa notu kale twe a lenga nohashi pameke yo ekwatafano letu navo. Molwaashi ohatu kala tu na ekwatafano la kola novaitaveli vakwetu, ohashi kala shipu oku va kwafela ngeenge ova hangwa komaupyakadi. (Omayeletumbulo 17:17) Mokweendafana noilyo aishe yeongalo letu, ohatu ulike kutya ohatu “filafana oshisho shi fike pamwe.” — 1 Ovakorinto 12:25, 26.

Ohatu ku ladipike u hoolole ookaume koye mokati kaavo hava longo ehalo laKalunga. Ookaume va tya ngaho otava hangwa momaongalo Eendombwedi daJehova. Onghee hano, ino efa nande osha shi ku imbe okweendafana nafye.

  • Omolwashike hashi tu etele ouwa okweendafana nOvakriste vakwetu pokwoongala?

  • Mbela owa hala okuuya naini kokwoongala kwetu opo u shiive oilyo yeongalo letu?

Lihonga shihapu

Oshike hashi ningwa pokwoongala kwEendombwedi daJehova?

Lihonga kombinga yanghee hatu longele Kalunga.