Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Oolyelye tava longo ehalo laJehova kunena?

 OSHILESHWA 9

Ongahelipi hatu dulu okulilongekidila nawa okwoongala?

Ongahelipi hatu dulu okulilongekidila nawa okwoongala?

Cambodia

Ukraine

Ngeenge oto konakona Ombibeli nOndombwedi yaJehova, otashi dulika ho lilongekidile ekonakono leni komesho yefimbo. Sha faafana, opo u mone ouwa pauyadi mokwoongala, ou na okukala ho ku lilongekidile komesho yefimbo. Naasho otashi ti ou na okulitulila po efimbo lokulilongekida.

Tala kutya onaini nopeni to dulu okulilongekidila. Onaini ho dulu okukala to yandje elitulemo ngeenge to konakona paumwene? Mbela ongula fimbo ino ya koilonga ile okonguloshi eshi ounona va ka nangala? Nonande ku na efimbo la wana, litulila po efimbo lonhumba, noino efa nande osha shi ye moshipala okulilongekida kwoye. Kala to lilongekidile poima opo pe limwenenena, noshiwa okudima oradio, o-TV nongodi yoye yopeke opo ihe ku piyaaneke. Ilikana fimbo ino hovela okulilongekida opo uha kale to lipula noisho yefiku, ndele opo u dule okuyandja elitulemo kokukonakona Eendjovo daKalunga.— Ovafilippi 4:6, 7.

Kala ho didilike oitwa oyo ya fimanenena nokulongekida omadiladilo oye opo u dule oku ka kufa ombinga. Tete, kala ho tale pauxupi oshikalimo shoitukulwa oyo tai ka kundafanwa pokwoongala. Eshi to lilongekidile oshitukulwa keshe, nongonona oshipalanyole, tala nghee oupalanyole va pambafana noshipalanyole, tala omafano nokamhungu komapulo eendululo oko taka ulike kutya omadiladilo oo a fimanenena oelipi. Opo nee lesha okatendo keshe nokukonga enyamukulo lepulo keshe. Tala yo omishangwa odo da etwa mo moutendo nokudiladila kunghee tadi yambidida oitwa oyo ya kundafanwa. (Oilonga 17:11) Ngeenge owa mona enyamukulo mokatendo, didilika oitya ile omautumbulilo oo taa ka dula oku ku kwafela u dimbuluke enyamukulo pokwoongala. Pefimbo lokwoongala, oto dulu okuyelula eke loye ngeenge owa hala okunyamukula eshi taku pulwa omapulo, noto ladipikwa u nyamukule pauxupi noitya yoye mwene.

Ngeenge owa kala ho lilongekidile okwoongala kwoshivike keshe, oto ka weda mo oinima ipe “melimba” loye leshiivo lOmbibeli. — Mateus 13:51, 52.

  • Oshike to dulu okuninga po opo u kale ho lilongekidile nawa okwoongala?

  • Ongahelipi to dulu okulilongekida opo u dule oku ka ninga etyekosha pokwoongala?

Lihonga shihapu

OKWOONGALA

Oshike hashi ningwa pokwoongala kwEendombwedi daJehova?

Lihonga kombinga yanghee hatu longele Kalunga.