Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Oolyelye tava longo ehalo laJehova kunena?

 OSHILESHWA 10

Elongelokalunga lOukwaneumbo oshike?

Elongelokalunga lOukwaneumbo oshike?

South Korea

Brasilia

Australia

Guinea

Pefimbo lOmbibeli, Jehova okwa li a lombwela omaukwaneumbo a kale haa kala pamwe efimbo la wana opo a konakone Eendjovo daye nopo oilyo yomaukwaneumbo i kale i na ekwatafano la kola. (Deuteronomion 6:6, 7) Omolwelombwelo olo, oukwaneumbo keshe wEendombwedi daJehova ohau hoolola efiku lonhumba moshivike omo hau kundafana oinima yopamhepo wa manguluka, nohau hoolola oikundafanwa she likolelela keemhumbwe dao. Ndele nonande omunhu oha kala oye aeke, ota dulu okulongifa omhito ya tya ngaho okuninga ekonakonombibeli lopaumwene, ta longifa oshileshomwa osho a hala.

Elongelokalunga lOukwaneumbo ohali tu kwafele tu ehene popepi naJehova. Ombibeli otai ti: “Eheneni kuKalunga, opo nee Ye ta ehene kunye.” (Jakob 4:8) Eshi hatu konakona kombinga yomaukwatya aJehova nosho yo eenghatu daye mEendjovo daye, ohatu ende hatu mu shiiva nawa. Onghedi i li paunafangwa okuhovela okuninga Elongelokalunga lOukwaneumbo oyo okulesha pamwe Ombibeli mokule, tashi dulika tamu landula elesho lOmbibeli olo li li melandulafano lOfikola yOkudeula Ovaudifi. Otamu dulu okulitukulila omatukulwa elesho lOmbibeli, nopo nee ngeenge mwe a lesha, tamu kundafana oilihongomwa ipe oyo mwa mona mo.

Ohali kwafele yo oukwaneumbo u kale u na oukumwe. Ovalihomboli nosho yo ovadali nounona ohava pameke ekwatafano lavo ngeenge tava konakona Ombibeli ve li oukwaneumbo. Elongelokalunga lOukwaneumbo oli na okukala efimbo litunhula nolihafifa olo keshe umwe ha kala a teelela nodjuulufi. Ovadali otava dulu okuhoolola oikundafanwa oyo tai ti sha kounona she likolelela komido davo, oyo hai holoka moifo yOshungonangelo no-Awake! Otamu dulu okukundafana shi na sha nanghee ounona tava dulu okuungaunga nomaupyakadi oo hava shakeneke kofikola. Otamu dulu yo okulideula omaimbilo oo taa ka imbwa pokwoongala nokuhafela yo oushikepengeyo konima yElongelokalunga lOukwaneumbo.

Okulongela Kalunga pamwe oshivike keshe monghedi ya tya ngaho ye likalekelwa otaku ka kwafela keshe umwe moukwaneumbo a hafele okukonakona Eendjovo daKalunga, na Kalunga ote ke mu nangeka shili noupuna omolweenghendabala da tya ngaho. — Epsalme 1:1-3.

  • Omolwashike hatu litulile po efimbo lokuninga Elongelokalunga lOukwaneumbo?

  • Oshike ovadali tava dulu okuninga po opo oilyo youkwaneumbo aishe i dule okuhafela Elongelokalunga lOukwaneumbo?

Lihonga shihapu

Nghee to dulu okuxumifa komesho ehafo moukwaneumbo weni

Ohole oyo Jesus a ulika oi li oshihopaenenwa osho ovashamane, ovakulukadi, ovadali nosho yo ounona tava dulu okulandula. Oshike hatu lihongo kuye?