Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Oolyelye tava longo ehalo laJehova kunena?

Ehalo laKalunga li na sha novanhu olilipi?

Ehalo laKalunga li na sha novanhu olilipi?

Kalunga okwa hala tu ka kale tu na ombili nehafo moparadisa kombada yedu fiyo alushe.

Otashi dulika u lipule kutya: ‘Osho otashi shiiva ngahelipi?’ Ombibeli otai ti kutya Ouhamba waKalunga otau ke shi ninga tashi shiiva, na Kalunga okwa hala ovanhu aveshe ve lihonge kombinga yOuhamba oo nosho yo yelalakano laye li na sha nafye. — Epsalme 37:11, 29; Jesaja 9:6.

Kalunga okwe tu halela ouwa.

Ngaashi ashike xe omunahole ha kala a halela ovana vaye ouwa, Tate yetu womeulu naye okwa hala tu kale twa hafa fiyo alushe. (Jesaja 48:17, 18) Kalunga okwa udaneka kutya oo “ta longo ehalo [laye], oye ta kala alushe.” — 1 Johannes 2:17.

Kalunga okwa hala tu ende meendjila daye.

Ombibeli otai ti kutya Omushiti wetu okwa hala ‘oku tu honga eendjila daye’ opo tu dule “okweenda momalila aye.” (Jesaja 2:2, 3) Okwe ‘lilikolela oshiwana omolwedina laye’ opo shi shiivife ehalo laye mounyuni aushe. — Oilonga 15:14.

Kalunga okwa hala tu mu longele twa hangana.

Elongelokalunga laJehova la koshoka ihali tukaula ovanhu, ndele ohali va hanganifa noku va kwafela va kale ve holafane shili. (Johannes 13:35) Oolyelye kunena tava hongo ovanhu keshe pamwe nghee ve na okulongela Kalunga moukumwe? Ohatu ku ladipike u leshe oshileshomwa eshi opo u mone enyamukulo lepulo olo.

 

Lihonga shihapu

Ino hala ekonakonombibeli loshali?

Ekonakonombibeli ohali ningwa ngahelipi?

Eendombwedi daJehova mounyuni aushe oda shiivikila okukonakona Ombibeli novanhu oshali. Tala kutya ohali ningwa ngahelipi.

Ino hala ekonakonombibeli loshali?

Omolwashike u na okukonakona Ombibeli?

Ombibeli otai kwafele ovanhu omamiliyona mounyuni aushe va mone omanyamukulo omapulo oo a fimanenena monghalamwenyo. mbela ino hala okukala umwe womuvo?

Ombibeli otai hongo lela shike?

Elalakano laKalunga olashike li na sha nedu?

Mbela elalakano laKalunga li na sha neduparadisa oli na ngoo fiku li ka wanifwe? Ngeenge osho, otashi ka ningwa naini?