Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Oolyelye tava longo ehalo laJehova kunena?

 OSHILESHWA 17

Ongahelipi ovapashukilishikandjo have tu kwafele?

Ongahelipi ovapashukilishikandjo have tu kwafele?

Malawi

Ongudu yoilonga yomomapya

Oilonga yokuudifa

Okwoongala kwovakulunhuongalo

Omishangwa dopaKriste dOshigreka oda popya lwoikando shi na sha naBarnabas nosho yo omuyapostoli Paulus. Ovalumenhu ovo ova li ovapashukili ovaendi, va li hava ende tava talele po omaongalo opefimbo lonale. Omolwashike mbela? Ova li ve na ko nasha shili nonghalonawa yopamhepo yovamwaxe Ovakriste. Paulus okwa tile kutya okwa hala ‘okushuna a ka talele po ovamwaxe’ a tale nhumbi ve li. Okwa li e na ehalo okweenda eekilometa omafele opo a ka pameke ovamwaxe. (Oilonga 15:36) Ovapashukili vetu ovaendi vokunena navo ove na oikala ya faafana naayo yaPaulus.

Ohave uya oku tu twa omukumo. Keshe omupashukilishikandjo oha talele po omaongalo 20 lwaapo; ha talele po eongalo keshe oule woshivike luvali modula. Omupashukili woshikandjo oha talele po oikandjo yonhumba, ta talele po omaongalo nokulonga e li omunashipundi woshoongalele shimwe moshikandjo keshe lumwe momudo. Ohatu dulu okumona ouwa muhapu eshi hatu endafana novamwatate ovo nosho yo novakulukadi vavo, ngeenge ova hombola, molwaashi ove na owino muhapu. Ovapashukili voshikandjo ohava kala va halelela okushiiva ovanyasha novakulunhu, nohava kala yo ve na ehalo okuya nafye moilonga yokuudifa nosho yo kovakonakonimbibeli vetu. Ohava ningi yo omatalelepo oufita pamwe novakulunhuongalo, nohave tu pameke mokuyandja oipopiwa tai tu omukumo pokwoongala kweongalo nosho yo poyoongalele yoikandjo. — Oilonga 15:35.

Ohava kala ve na ko nasha novanhu aveshe. Ovapashukili voshikandjo ove na ko nasha unene nonghalonawa yopamhepo yomaongalo. Ohava ongala novakulunhuongalo novayakuliongalo opo va kundafane exumokomesho olo la ningwa po noku va pa omayele taa longo e na sha nanghee ve na okuungaunga noinakuwanifwa yavo. Ohava kwafele ovakokolindjila opo va pondole moilonga yokuudifa nohava kala va halelela okushiiva ovo opo va hovele okukonakona Ombibeli nokuuda kombinga yexumokomesho lopamhepo olo tava ningi. Ovamwatate ovo ove li ‘ovalongi vakwetu omolwetu,’ sha hala okutya, ohave tu yakula omolwouwa wetu. (2 Ovakorinto 8:23) Natu shikuleni oshihopaenenwa shavo sheitavelo nokukala tu na omhepo yeliyambo ngaashi vo. — Ovaheberi 13:7.

  • Omolwashike ovapashukili voshikandjo ohava talele po omaongalo?

  • Ongahelipi to dulu okumona ouwa momatalelepo avo?

Lihonga shihapu

omolwaashike Eendombwedi daJehova hadi ningi oyoongalele?

Omudo keshe ohatu ongala oikando itatu, omolwoinangwanima itatu oyo ye likalekelwa. Ongahelipi to dulu okumona ouwa poyoongalele oyo?

Ongahelipi Eendombwedi daJehova hadi unganeke oilonga yado yokuudifa?

Ohatu udifa monghedi omo Jesus a li ha udifa eshi a li kombada yedu. Eenghedi dimwe dokuudifa odilipi?