Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Onghundana iwa ya dja kuKalunga!

 OSHILESHWA 13

Oshike tashi ka ningilwa omalongelokalunga?

Oshike tashi ka ningilwa omalongelokalunga?

1. Mbela omalongelokalunga aeshe ooshili?

Momalongelokalunga aeshe omu na ovanamitimadiwa vonhumba. Onghundana iwa oyo ei kutya Kalunga oha didilike ovanhu va tya ngaho nohe va file oshisho. Ndele shinyikifa oluhodi, ovanhu vahapu ohava longo oukolokoshi tave shi ningi medina lomalongelokalunga. (2 Ovakorinto 4:3, 4; 11:13-15) Oikundaneki otai ulike nokuli kutya omalongelokalunga amwe ohaa kufa ombinga moinima ngaashi oukulo, omadipao opamihoko nosho yo okuhepeka ounona pamilele. Oinima ya tya ngaho ihai nyikifa tuu oluhodi ovanamitimadiwa ovo va itavela muKalunga! — Lesha Mateus 24:3-5, 11, 12.

Mepingafano nelongelokalunga lashili olo hali tumbalekifa Kalunga, omalongelokalunga oipupulu ohae mu nyemateke ashike. Omahongo ao inae likolelela kOmbibeli, ngaashi ehongo loipupulu li na sha naKalunga nosho yo olo li na sha nonghalo yoonakufya. Ashike Jehova okwa hala ovanhu ve lihonge oshili kombinga yaye. — Lesha Hesekiel 18:4; 1 Timoteus 2:3-5.

2. Oshike tashi ka ningilwa omalongelokalunga?

Shihokwifa, Kalunga ita dulu okukotokelwa komalongelokalunga oo hae liti kutya oku mu hole, ndele paulelalela oku hole ounyuni waSatana. (Jakob 4:4) Ombibeli otai ifana omalongelokalunga aeshe oipupulu e li “Babilon shinene.” Babilon edina loshilando shopefimbo lonale omo mwa hovela omalongelokalunga oipupulu konima yEyelu laNoa. Mafiku Kalunga ota ka xulifa po omalongelokalunga ombadilila oo haa pukifa nohaa hepeke ovanhu. — Lesha Ehololo 17:1, 2, 5, 16, 17; 18:8.

Ope na natango eenghundana dikwao diwa. Jehova ina dimbwa ovanamitimadiwa ovo ve lihanena momalongelokalunga oipupulu mounyuni aushe. Ote va hanganifa kunena melongelokalunga lashili moku va honga oshili. — Lesha Mika 4:2, 5.

 3. Ovanamitimadiwa ovo ove na okuninga po shike?

Elongelokalunga lashili otali hanganifa ovanhu

Jehova oha file oshisho ovanhu ovo ve hole oshili nosho yo ouwa. Ashike ote va ladipike va dje mo momalongelokalunga oipupulu. Ovanhu ovo ve hole Kalunga ohava ningi omalunduluko nehalo liwa opo ve mu hafife. — Lesha Ehololo 18:4.

Ovanamitimadiwa vomefelemudo lotete ova li va tambula ko nehafo onghundana iwa oyo va li va udifilwa kovayapostoli. Ova li va hongwa kuJehova onghedi ipe yokukalamwenyo nova ka kala ve na onghalamwenyo ihafifa, i na elalakano nosho yo eteelelo. Ove tu tulila po oshihopaenenwa shiwa kunena, molwaashi ova li va tambula ko onghundana iwa nehafo nova pitifa Jehova komesho mokukalamwenyo kwavo. — Lesha 1 Ovatessaloniki 1:8, 9; 2:13.

Jehova ota tambula ko moukwaneumbo waye ovo tava fiye po omalongelokalunga oipupulu. Onghee hano, ngeenge owa tambula ko eshivo laJehova lopahole, oto ka ninga kaume kaye, to ka kala umwe womoukwaneumbo wovalongeli vaye ovaholike noto ka mona yo omwenyo waalushe. — Lesha Markus 10:29, 30; 2 Ovakorinto 6:17, 18.

4. Kalunga ota ka ninga po shike opo ovanhu kongonga yedu alishe va kale va hafa?

Etokolo olo mafiku tali ka hanga omalongelokalunga oipupulu oli li onghundana iwa. Ehanauno lomalongelokalunga oipupulu otali ka tya exulifepo lokumona oixuna. Kungaho, itaa ka pukifa vali nokutukaula ovanhu. Ovanhu aveshe ovo tava ka kala kombada yedu otava ka longela Kalunga aeke kashili va hangana. — Lesha Ehololo 18:20, 21; 21:3, 4.

 

Lihonga shihapu

Ombibeli otai hongo lela shike?

Elongelokalunga olo la hokiwa kuKalunga

Konakona oinima ihamano oyo tai didilikifa mo elongelokalunga lashili, olo olo alike la hokiwa kuKalunga.

Ombibeli otai hongo lela shike?

Kala omudiinini kelongelokalunga lashili

Omashongo elipi tashi dulika u shakeneke ngeenge to lombwele vamwe shi na sha neitavelo loye? Ongahelipi to dulu oku shi ninga nopehe na oku va udifa nai?