Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Onghundana iwa ya dja kuKalunga!

 Oshileshwa 2

Kalunga oye lyelye?

Kalunga oye lyelye?

1. Omolwashike tu na okulongela Kalunga?

Kalunga kashili oye Omushiti woinima aishe. Ke na ehovelo noke na exulilo. (Epsalme 90:2) Oye Odjo yonghundana iwa oyo tai hangwa mOmbibeli. (1 Timoteus 1:11, NW) Ndele molwaashi Kalunga oye etu pa omwenyo, oye aeke tu na okulongela. — Lesha Ehololo 4:11.

2. Kalunga okwa tya naanaa ngahelipi?

Kape na ou a mona Kalunga nandenande molwaashi ye Omhepo noku dule ovanhu kokule ovo a shitila kombada yedu. (Johannes 1:18; 4:24) Ndele nande ongaho, omaukwatya aye otaa dulu okulimonikila moinima oyo a shita. Pashihopaenenwa, okutala komaludi oiimati e lili noku lili nosho yo eengala oo a shita, otashi ke tu kwafela tu mone kutya Kalunga omunahole noku na ounongo. Ounene weshito ohau tu hololele kutya Kalunga oku na eenghono. — Lesha Ovaroma 1:20.

Kakele kaasho, ohatu dulu okulihonga shihapu shi na sha nomaukwatya aye okudja mOmbibeli. Pashihopaenenwa, otai tu lombwele osho Kalunga e hole naasho e tonde, nghee ha ungaunga novanhu nosho yo nghee he linyenge meenghalo di lili noku lili. — Lesha Epsalme 103:7-10.

3. Mbela Kalunga oku na ngoo edina?

Jesus okwa ti: ‘Tate yetu ou u li meulu! Edina loye nali yapulwe.’ (Mateus 6:9) Nonande Kalunga oku na omadinafimaneko mahapu, oku na ashike edina limwe alike. Melaka keshe, ohali tumbulwa monghedi i lili. Pashihopaenenwa, mOshiwambo luhapu ohali tumbulwa taku ti “Jehova,” ofimbo ovanhu vamwe ohave li tumbula tava ti “Yahweh.” — Lesha Epsalme 83:18, NW.

Edina laKalunga ola kufwa mo momatoloko mahapu Eembibeli nola pingenwa po nomadinafimaneko Omwene ile Kalunga. Ndele eshi Ombibeli ya li ya shangwa pehovelo, edina laKalunga ola li la holoka mo lwoikando i fike po 7 000 lwaapo. Jesus okwa  li a shiivifila vamwe edina laKalunga, a li he li longifa ngeenge te va hongo kombinga yaKalunga. — Lesha Johannes 17:26.

Ngaashi xe omunahole, Kalunga ota ka ninga po sha osho tashi ke tu etela ouwa tau kalelele

4. Mbela Jehova oku na ko ngoo nasha nafye shili?

Eshi okumona oixuna kwa hapupala kunena, mbela osho osha hala kutya Kalunga ke na ko nasha nafye? Ovanhu vamwe ohava ti kutya Kalunga oye he tu etele okumona oixuna opo e tu yeleke, ndele osho kashi fi shoshili. — Lesha Jakob 1:13.

Kalunga okwe tu pa emanguluko lokuninga omatokolo. Mbela inatu pandula eshi tu na emanguluko lokuhoolola okulongela Kalunga? (Josua 24:15) Ndele nande ongaho, ope na okumona oixuna kuhapu molwaashi ovanhu vahapu ova hoolola okuningila vamwe owii. Ashike ohashi yahameke Jehova ngeenge ta tale okuhenouyuki kwa tya ngaho. — Lesha Genesis 6:5, 6.

Jehova oku na ko nasha nafye nokwa hala tu hafele onghalamwenyo. Mafiku ota ka xulifa po okumona oixuna nosho yo ovo have ku etifa. Ndele oku na omatomheno mawa eshi a efa okumona oixuna ku kale po oule wokafimbo. Ohatu ke lihonga kombinga yomatomheno oo mOshileshwa 8. — Lesha 2 Petrus 2:9; 3:7, 13.

5. Ongahelipi hatu dulu okweehena popepi elela naKalunga?

Jehova okwe tu shiva tu ehene popepi naye mokukala hatu popi naye okupitila meilikano. Oku na ko yo nasha nafye pauhandimwe. (Epsalme 65:3; 145:18) Ohe tu dimine po nehalo liwa noha kala e wete eenghendabala odo hatu ningi opo tu mu hafife nokuli nonande omafimbo amwe ohatu ningi omapuko. Onghee hano, ohatu dulu okukala nekwatafano lopofingo naKalunga, nonande inatu wanenena. — Lesha Epsalme 103:12-14; Jakob 4:8.

Otu na okukala tu hole Jehova shi dulife omunhu keshe molwaashi oye e tu pa omwenyo. (Markus 12:30) Ngeenge otwa kala hatu ulike kutya otu hole Kalunga mokukala hatu lihongo shihapu kombinga yaye nokuninga keshe osho ta pula tu ninge, ohatu ka ehena popepi elela naye. — Lesha 1 Timoteus 2:4; 1 Johannes 5:3.

Lihonga shihapu

Mbela Kalunga oku na ngoo edina?

Kalunga oku na omadinafimaneko mahapu, ngaashi Omunaenghono adishe, Omushiti nosho yo Omwene. Ashike edina laKalunga ola holoka mOmbiibeli lwoikando i dulife po 7 000.