Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Honga ounona voye

 ETUKULWA 13

Timoteus okwa li a hala okukwafela ovanhu

Timoteus okwa li a hala okukwafela ovanhu

Timoteus okwa li omunyasha oo e hole okukwafela ovanhu. Okwa li ha i keenhele di lili noku lili opo a ka kwafele vamwe. Naasho osha ningifa onghalamwenyo yaye i kale ihafifa lela. Mbela owa hala okuuda shihapu shi na sha nomunyasha oo?—

Timoteus okwa hongwa oshili kombinga yaJehova kumeme waye nokumeekulu waye

Timoteus okwa putukila moshilando shedina Listra. Okwa li a hongwa kombinga yaJehova okudja kounona waye, a hongwa kumeekulu waye Loide nameme waye Eunike. Eshi Timoteus a kula, naye okwa ka kala e hole okuhonga vamwe kombinga yaJehova.

Fimbo Timoteus a li natango omunyasha, Paulus okwa li e mu pula va ye naye va ka udifile ovanhu keenhele di lili noku lili. Timoteus okwa li e shi dimina, a ti: ‘Eewa.’ Okwa li ha kala e lilongekida okuya keshe pamwe opo a ka kwafele vamwe.

 Okwa li a ya pamwe naPaulus koshilando shimwe shedina Tessalonika, osho sha li muMakedonia. Opo va ye konhele oko, ova li ve na okweenda keemhadi oshinano shile, nolwanima ova li ve na okuya nombautu. Eshi va fika oko, ova kwafela ovanhu vahapu ve lihonge kombinga yaJehova. Ndele ovanhu vamwe ova li va handuka neenghono nova li va hala oku va denga. Onghee Paulus naTimoteus ova ya va ka udifile keenhele dimwe di lili.

Timoteus okwa li e na onghalamwenyo ihafifa

Konima yeemwedi donhumba, Paulus okwa li a pula Timoteus a shune kuTessalonika a ka tale kutya ovamwatate otave shi endifa ngahelipi. Opo u shune koshilando osho sha nyika oshiponga ou na okukala lela iho tila. Ashike Timoteus oko a ya molwaashi okwa li te lipula novamwatate vaako. Eshi a aluka, okwa etela Paulus onghundana iwa kutya ovamwatate otave shi endifa nawa!

Timoteus okwa kala ta longo pamwe naPaulus eedula dihapu. Paulus okwa li nokuli a popya monhumwafo yaye imwe kutya Timoteus oku li omulineekelwa nota dulu oku mu tuma a ka kwafele omaongalo. Timoteus okwa li e hole Jehova nosho yo ovanhu vakwao.

Mbela naave ou hole ovanhu nowa hala oku va kwafela ve lihonge kombinga yaJehova?— Ngeenge osho shi li ngaho, oto ka kala nonghalamwenyo ihafifa ngaashi ashike Timoteus.

LESHA MOMBIBELI YOYE

  • 2 Timoteus 1:5; 3:15

  • Oilonga 16:1-5; 17:1-10

  • 1 Ovatessaloniki 3:2-7

  • Ovafilippi 2:19-22