Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Honga ounona voye

 ETUKULWA 1

Otwa hafa eshi tu shii oshiholekwa

Otwa hafa eshi tu shii oshiholekwa

Owa lombwelwa ngoo nande onale oshiholekwa?— * Ombibeli oya popya kombinga yoshinima shonhumba she likalekelwa noya ti kutya oshi li “oshiholekwa.” Oshiholekwa osho oshiyapuki molwaashi osha dja kuKalunga. Oshi li oshiholekwa molwaashi ovanhu inava kala ve shii oshinima osho. Ovaengeli navo ova kala yo va hala okuuda shihapu kombinga yoshinima osho. Mbela owa hala okuuda kutya oshiholekwa osho oshilipi?—

Oto ti ngahelipi, ovaengeli ova li tava kendabala okushiiva kombinga yashike?

Nalenale, eshi Kalunga a hovela okushita ovanhu, okwa shita omulumenhu nomukainhu wotete. Omadina avo oAdam naEva. Kalunga okwa li e va longekidila eumbo liwaliwa olo la li hali ifanwa oshikunino shaEden. Ngeno Adam naEva ova li va dulika kuKalunga, ngeno vo novana vavo ova ka ninga edu alishe oparadisa. Oparadisa oyo oya li tai ka kala ngeno ya fa oshikunino shaEden. Ova li yo ngeno tava ka kala mOparadisa oyo fiyo alushe. Ndele mbela oto dimbuluka kutya Adam naEva ova li va ninga shike?—

Adam naEva ova li va nyona kuKalunga, nomolwaasho katu li moparadisa kunena. Ashike Kalunga okwa ti kutya ota ka ninga edu alishe oparadisa omo ovanhu aveshe tava ka kala nomwenyo fiyo alushe notava ka kala va hafa. Mbela osho ote ke shi ninga ngahelipi? Oule womido dihapu, ovanhu inava kala ve shi shii kutya ote ke shi ninga ngahelipi. Osha kala shi li oshiholekwa.

Eshi Jesus e ke uya kombada yedu, okwa li a lombwela ovanhu shihapu kombinga yoshiholekwa osho. Okwe va lombwela kutya oshiholekwa osho oshi na sha nOuhamba waKalunga. Okwa li yo e va lombwela va kale tava ilikana kutya Ouhamba nau uye. Ouhamba oo otau ka ninga edu alishe oparadisa iwaiwa.

Mbela owa hafa eshi wa shiiva kombinga yoshiholekwa osho?— Dimbuluka kutya mOparadisa otamu ka kala ashike ovanhu ovo hava dulike kuJehova. MOmbibeli omu na omahokololo ovanhu vahapu ovo va li hava dulika kuJehova. Mbela owa hala okulihonga shihapu kombinga yovanhu ovo?— Ohatu ke lihonga kombinga yavamwe vomuvo nokutala nghee hatu dulu oku va hopaenena.

LESHA MOMBIBELI YOYE

  • Markus 4:11

  • 1 Petrus 1:12

  • Genesis 1:26-28; 2:8, 9; 3:6, 23

  • Mateus 6:9, 10

  • Epsalme 37:11, 29

^ okat. 3 Momahokololo oo e li moshileshomwa eshi oto ka mona mo lwoikando edidiliko eli (—) la landula omapulo amwe. Osho otashi ti ou na okutula po kanini, ndele to pe okaana koye omhito ka nyamukule epulo olo la landulwa kedidiliko olo.