Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Honga ounona voye

 ETUKULWA 7

Mbela omafimbo amwe oho kala wa tila nou udite wa pumbwa ekwafo?

Mbela omafimbo amwe oho kala wa tila nou udite wa pumbwa ekwafo?

Tala okamati oko ke li mefano. Otaka monika ka tila noka pumbwa ekwafo, hasho mbela? Naave mbela osho ho kala u udite ngaho omafimbo amwe?— Atusheni osho hatu kala tu udite ngaho omafimbo amwe. Ombibeli oya popya kombinga yookaume kaJehova vamwe ovo va li ve udite ngaho. Pashihopaenenwa, oya popya kombinga yaElia. Natu tale eshi ye tu lombwela kombinga yaye.

Isebel okwa li a hala okudipaa Elia

Elia okwa li ko nale fimbo Jesus ina dalwa, nokwa li Omuisrael. Ahab, oo a li ohamba yaIsrael pefimbo opo, ka li ha longele Kalunga kashili, Jehova. Ahab nomukulukadi waye Isebel ova li hava longele kalunga woipupulu hai ifanwa Baal, ile tu tye, oshikalunga Baal. Onghee hano, ovanhu vahapu muIsrael ova li yo va hovela okulongela Baal. Ohambanghainhu Isebel oya li i na onyanya noya li ya hala okudipaa aveshe ovo va li tava longele Jehova, mwa kwatela Elia. Mbela ou shii kutya Elia okwa ninga po shike?—

Elia okwa faduka po! Okwa ya mombuwa ndele ta ka hondama mekololo londudu.  Mbela oshike she mu ningifa a faduke po?— Okwa li a tila unene. Ndele ka li a pumbwa okukala a tila. Omolwashike hatu tile ngaho? Omolwaashi okwa li e shii kutya Jehova ota dulu oku mu kwafela. Jehova okwa li a ulikila nale Elia kutya oku na eenghono dinenenene. Pomhito imwe, Elia okwa li a ilikana kuJehova, na Jehova okwa li a nyamukula eilikano laye mokutuma omundilo okudja meulu. Hano, osha yela kutya Jehova okwa li natango ta dulu okukwafela Elia.

Jehova okwa li a kwafela ngahelipi Elia?

Ofimbo Elia e li mekololo, Jehova okwe mu pula ta ti: ‘Oto ningi shike apa?’ Elia okwa nyamukula a ti: ‘Aame andike nda xupa po handi ku longele. Paife onda tila kutya naame ohandi dipawa.’ Elia okwa li ta diladila kutya vakwao aveshe ovo hava longele Jehova ova dipawa. Ndele Jehova okwe mu lombwela ta ti: ‘Osho kashi fi shoshili. Ope na natango ovanhu omayovi aheyali ovo tava longele nge natango. Ino kala wa tila. Ope na oilonga ihapu natango oyo nda hala u longele nge.’ Mbela eshi to tale Elia okwa li ngoo a hafa eshi a lombwelwa ngaho?—

Oshike we lihonga mehokololo li na sha naElia?— Ino pumbwa okukala wa tila ile u udite kutya kape na ou ta dulu oku ku kwafela. Ou na ookaume ovo ve hole Jehova nove ku hole yo, ovo tava dulu oku ku kwafela. Dimbuluka yo kutya Jehova oku na eenghono dinenenene nota dulu oku ku kwafela efimbo keshe! Mbela ino hafa eshi wa shiiva kutya ope na alushe ovo tava dulu oku ku kwafela?—

LESHA MOMBIBELI YOYE

  • 1 Eehamba 19:3-18

  • Epsalme 145:18

  • 1 Petrus 5:9