Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

ONGHALAMWENYO YOPAKRISTE NOILONGA YOKUUDIFA–OKAFO KOKULONGIFWA POKWOONGALA SEPTEMBA 2016

 OMAMONA OMEENDJOVO DAKALUNGA

Eenghedi odo u na okuhenuka ngeenge to konakona Ombiibeli naumwe

Eenghedi odo u na okuhenuka ngeenge to konakona Ombiibeli naumwe
TALA
Efano
Eendjovo

Okupopya unene: Ino diladila kutya owa pumbwa okuyelifa keshe shimwe. Jesus okwa li ha longifa omapulo opo a kwafele ovanhu va diladile nova fike pexulifodiladilo vo vene. (Mat 17:24-27) Omapulo ohaa mwenyopaleke ekonakono, nota e ku kwafele u mone osho omukonakoni woye a itavela naasho e udite. (be 253 okat. 3-4) Ngeenge wa pula epulo, teelela nelididimiko omukonakoni a nyamukule. Ngeenge omukonakoni okwa nyamukula epuko, ponhele yoku mu pa enyamukulo, mu pula omapulo a wedwa po opo a fike pexulifodiladilo ye mwene. (be 238 okat. 1-2) Popya monghedi oyo tai dulu okukwafela omukonakoni a dule okupopya ediladilo noitya yaye mwene. — be 230 okat. 4.

Ouyelele uhapu: Henuka okupopya ouyelele aushe oo u shii kombinga yoshikundafanwa osho. (Joh 16:12) Yandja elitulemo koshitwa osho sha fimanenena mokatendo. (be 226 okat. 4-5) Ouyelele muhapu, nonande nau kale u hokwifa, ohau imbi omunhu a ude ko oitwa oyo ya fimanenena. (be 235 okat. 3) Ngeenge oitwa oyo ya fimanenena omukonakoni oku i udite ko, indeni kokatendo ka shikula ko

Okumana ko oshishangomwa: Elalakano letu okuhanga omitima dovanhu ndele haku mana ko oshishangomwa. (Luk 24:32) Ondjovo yaKalunga otai ka kala i na eenghono ngeenge owa yandje elitulemo komishangwa odo da fimanenena moshileshwa. (2Kor 10:4; Heb 4:12; be 144 okat. 1-3) Longifa omafaneko anafangwa. (be 245 okat. 2-4) Ngeenge owa mono kutya omukonakoni oku na po ounghundi ile ope na oshinima shonhumba osho a itavela poshikundafanwa osho, mu yukilila. Mu pula omapulo ngaashi: “Eshi hatu konakona ngaha, ou shi uditile ngahelipi?” “Eshi otashi tu hongo shike kombinga yaJehova?” “Ouwa ulipi to ka mona ngeenge owa tula moilonga omayele aa?” — be 238 okat. 3-5; 259 okat. 1.