Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 OKUKALA OMUKRISTE WASHILI

Nghee to dulu okukala omukonakoni omunekeka wEendjovo daKalunga

Nghee to dulu okukala omukonakoni omunekeka wEendjovo daKalunga

Mbela owa hala okukala omudiinini nonande ou li momayeleko ngaashi Daniel? Daniel okwa li ha konakona noukeka Eendjovo daKalunga mwa kwatelwa omaxunganeko omoule. (Dan 9:2) Oto ka kala omudiinini ngeenge owa kala ho konakona Eendjovo daKalunga noukeka. Ngahelipi mbela? Eitavelo loye otali ka kala la kola, naasho otashi ke ku kwafela u kale wa tomhwa kutya omaudaneko aJehova otaa ka wanifwa shili. (Jos 23:14) Otashi ke ku kwafela u kale u hole Kalunga shi dulife nale, osho tashi ke ku linyengifa u longe osho sha yuka. (Eps 97:10) Mbela ou na okuhovela ngahelipi? Natu ka taleni komaetepo amwe.

  • Ondi na okukonakona kombinga yashike? Okukonakona pandjikilile mwa kwatelwa okulilongekidila okwoongala. Otashi ka kala shiwa ngeenge owa kala ho lesha elesho lOmbiibeli lokoshivike nokuninga omapekapeko oitwa oyo uhe udite. Vamwe ova hoolola okulihonga omaxunganeko Ombiibeli, kombinga yoikundafanwa ya yoolokafana i na sha noku imika oiimati yomhepo iyapuki yaKalunga, olweendo loutumwa lomuyapostoli Paulus ile keshito laJehova olo liwetike. Ngeenge owa diladila epulo lopaMbiibeli momukokomoko wefiku, li shanga ndele to likonakona moshikando tashi shikula ko.

  • Openi handi dulu okuhanga ouyelele? Opo u mone omaetepo amwe, taleni okavidio Oilongifo yokuninga omapekapeko eshi hatu konakona omamona opamhepo. Opo u tale ngeenge ou udite ko, konakona omapangelo omanaenghono oo taa hangwa metukulwa 7 laDaniel nanghee taa fanekwa noshilyani.

  • Ondi na okulongifa efimbo li fike peni eshi handi konakona? Ngeenge owa kala ho konakona pandjikilile oto ka kala u na oupamhepo muwa. Oto dulu okukala ho longifa efimbo linini nongeenge otashi dulika to ende to weda ko. Okukonakona Eendjovo daKalunga okwa fa ashike omunhu ta fe omamona a holekwa; kouhapu ngoo woku a mona osho ngoo ta ka kala a hala okufa moule. (Omayel 2:3-6) Okukala wa halelela okukonakona Eendjovo daKalunga otashi ke ku kwafela u kale ho di konakona pandjikilile. — 1Pet 2:2.

OILYANI OYO I LI METUKUKULWA 7 LADANIEL OTAI FANEKE SHIKE?

EPULO LA WEDWA PO:

Daniel 7:8, 24 okwa wanifwa ngahelipi?

MOSHIKANDO TASHI LANDULA:

Oilyani oyo i li mEhololo etukulwa 13 otai faneke shike?