Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Onghalamwenyo yopaKriste noilonga yokuudifa – okafo kokulongifwa pokwoongala  |  Marsa 2016

 LONGA NOUDIININI MOILONGA YOKUUDIFA

Xwepopaleka ounghulungu woye moukalele—Mokuninga etwalemo loye mwene li na sha nokuyandja oifo

Xwepopaleka ounghulungu woye moukalele—Mokuninga etwalemo loye mwene li na sha nokuyandja oifo
TALA
Eendjovo
Efano

OMOLWASHIKE SHA FIMANA: Nonande oihopaenenwa yomatwalemo i na sha nokuyandja oileshomwa oyo hai kala mokafo aka ohai kala i na omadiladilo taa ti sha, oyo oi li ashike omudutilo. Otu na okulongifa oitya yetu vene. Otashi dulika wa hala okulongifa etwalemo limwe li lili ile u wete kutya oshikundafanwa shonhumba otashi ka pendula ohokwe yovanhu moshitukulwa sheni. Ngeenge osho, shimha wa lesha oshifo, diladila koihopaenenwa yomatwalemo oifo nokutala okavidio ke na sha nanghee oifo i na okuyandjwa, opo nee to longifa ouyelele tau landula u ninge etwalemo loye mwene.

NGHEE U NA OKU SHI NINGA:

Lipula kutya, ‘Mbela onda hala okulongifa etwalemo limwe lomoihopaenenwa i na sha nokuyandja oifo?’

HEENO

  • Longekida etwalemo loye mwene. Ngeenge owa popifa, yelifila omuneumbo pauxupi kutya oshike wa endela. (Pashihopaenenwa oto dulu okutya: “Ohandi mu talelepo opo . . . “)

  • Diladila nghee to ka ninga etwalemo li na sha nepulo, omushangwa nokuyandja oshifo. (Pashihopaenenwa eshi to ningi etwalemo li na sha nomushangwa oto dulu okutya: “Onda hala tu tale enyamukulo li li apa li na sha nepulo eli.”)

AHOWE

  • Hoolola oshikundafanwa osho wa hokwa moshifo nou wete kutya otashi ka kwafela ovanhu moshitukulwa sheni

  • Hoolola epulo olo tali ka kwafela omunhu a diladile notali twala meenghundafana, ndele itali fifa omunhu ohoni. (Pashihopaenenwa: Oto dulu okupula omapulo oo haa kala pepandja 2 loifo.)

  • Hoolola omushangwa oo wa hala oku ka lesha. (Ngeenge oto yandje o-Awake! oto dulu okuhoolola okulesha omushangwa molwaashi oya nuninwa ovanhu ovo ve na eshiivo linini lOmbiibeli notashi dulika nokuli inave lineekela lela momalongelokalunga.)

  • Duta etumbulo limwe ile avali oo taa yelifa nghee omuneumbo ta dulu okumona ouwa ngeenge okwa lesha oshitukulwa

  • Longekida yo epulo olo to ke mu fiila opo u ke li nyamukule pelishuneko

  • Shanga osho wa hala oku ka tya opo shi ke ku kwafele uha dimbwe moshikando tashi landula