Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

ONGHALAMWENYO YOPAKRISTE NOILONGA YOKUUDIFA–OKAFO KOKULONGIFWA POKWOONGALA JANUALI 2016

 OKUKALA OMUKRISTE WASHILI

Oshi li oufembanghenda okutunga nokukaleka monghalo iwa eenhele detu delongelokalunga lashili

Oshi li oufembanghenda okutunga nokukaleka monghalo iwa eenhele detu delongelokalunga lashili

Okutunga otembeli yaIsrael okwa li kwa pula oilonga noitungifo ihapu. Kakele kaasho, Ovaisrael ova li va yambidida oilonga oyo noudiinini. (1Omaf 29:2-9; 2Omaf 6:7, 8) Konima eshi otembeli ya pwa okutungwa, onghedi omo Ovaisrael ve i fila oshisho oya li ya ulika oupamhepo wavo. (2Eeh 22:3-6; 2Omaf 28:24; 29:3) Ovakriste kunena navo ohava longifa efimbo neenghono dihapu mokutunga, mokuwapaleka nokukaleka po Omalupale Ouhamba nOmalupale Oyoongalele. Onghee hano, oshi li oufembanghenda munene okulonga pamwe naJehova monghedi ya tya ngaho noshi li yo oshitukulwa shoilonga yetu iyapuki. — Eps 127:1; Eh 7:15.

OHATU DULU OKUKALEKA PO EENHELE DETU MOKUKALA . . .

  • Hatu wapaleke konima yokwoongala keshe. Ngeenge eenghalo itadi shi pitike, toola po oinima oyo i li poshipundi shoye.

  • Hatu kufa ombinga pandjikilile mokuwapaleka nokukaleka monghalo iwa Olupale lOuhamba. Omake mahapu ohaa ninipike oilonga nohai kala ishambula. — lv 92-93 okat. 18.

  • Hatu yandje omayambidido opashimaliwa, nokuli ‘noumaliwa vavali, ovo ve fike pokahaulapa kamwe’ ovo va li va yandjwa tashi di komutima ova li va hafifa Jehova. — Mark 12:41-44.

  • Hatu ningi omaliyambo ngeenge eenghalo detu otadi shi pitike tu kwafele mokutunga nokuwapekulula omatungo Ouhamba. Oilonga yokutunga ihai pula oo e na owino.