Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 OKUKALA OMUKRISTE WASHILI

Dimbulukweni omukainhu waLot

Dimbulukweni omukainhu waLot

Omolwashike omukulukadi waLot a tala konima eshi va li tava i onhapo okudja muSodom? Ombiibeli inai shi popya. (Gen 19:17, 26) Oshikundafanwa shelondwelo laJesus otashi ulike kutya otashi dulika a li a kwatwa kolwisho loinima oyo a fiya po. (Luk 17:31, 32) Mepingafano nomukulukadi waLot, ongahelipi hatu dulu okuhenuka okukwata okahetengi efilonghenda laKalunga? Inatu efa nande okulalakanena oinima yopamaliko oko ku kale kwa fimanenena monghalamwenyo yetu. (Mat 6:33) Jesus okwa ti itatu dulu “okukalela Kalunga nemona.” (Mat 6:24) Ongahelipi ngeenge otwa didilike kutya oinima yopamaliko otai tu manene po efimbo lokuninga oinima yopamhepo monghalamwenyo yetu? Natu ilikane kuJehova e tu pe eendunge dokuyoolola opo tu dule okumona kutya openi naanaa twa pumbwa okuninga omalunduluko nosho yo ouladi woku shi ninga.

TALA OITUKULWA ITATU YOKAVIDIO DIMBULUKWENI OMUKAINHU WALOT, NDELE TAMU KUNDAFANA OMAPULO TAA SHIKULA:

  • Ongahelipi handi dulu okuulika paenghatu dange kutya ohandi ‘dimbuluka omukainhu walot’?

    Ongahelipi omafininiko okulalakanena oimaliwa kwa nwefa mo okudiladila, okupopya nosho yo eenghatu daGloria?

  • Oshihopaenenwa shomukulukadi waLot otashi tu londwele ngahelipi kunena?

  • Okutula moilonga omafinamhango Ombiibeli okwa kwafela ngahelipi Joe noukwaneumbo waye?

  • Eendafano laAnna novanailonga vakwao ola kuma ngahelipi oupamhepo waye?

  • Omolwashike twa pumbwa ouladi ngeenge ohatu fininikwa tu lalakanene oimaliwa monghalamwenyo yetu?

  • Brian naGloria ove shi enda ngahelipi opo va dule vali okukala va pitifa komesho oinima yopamhepo?

  • Omafinamhango Ombiibeli elipi wa didilika a ulikwa mokavidio aka?