Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

ONGHALAMWENYO YOPAKRISTE NOILONGA YOKUUDIFA–OKAFO KOKULONGIFWA POKWOONGALA AUGUSTE 2016

 OKUKALA OMUKRISTE WASHILI

Honga oshili

Honga oshili

Okuhovela muSeptemba, okafo kokulongifwa pokwoongala Onghalamwenyo yopaKriste noilonga yokuudifa otaka ka kala ke na oshitukulwa shipe shoihopaenenwa yomatwalemo shi na oshipalanyole “Honga oshili.” Oshitukulwa osho otashi ka kala sha kanghamena koshili yOmbiibeli, shi na epulo nomushangwa.

Ngeenge otwa mono kutya omunhu okwa ulika ohokwe, ohatu dulu okuninga elongekido tu aluke moku mu fiila oshishangomwa ile tu mu ulikile kamwe komouvidio ovo tava hangwa ko-jw.org. Onghee hano, natu shune diva kovanhu ovo va ulika ohokwe opo tu ka twikile neenghundafana detu. Omatwalemo oo mape nosho yo oitukulwa yovanafikola otai ka kala ya kanghamena komatukulwa a ngongwa embo Oshike hatu lihongo mOmbiibeli? Membo omo ohatu hange mo omapulo a wedwa po nomishangwa odo tadi tu kwafele tu ninge omalishuneko nokuninga omakonakono hatu longifa ashike Ombiibeli.

Ope na ashike ondjila imwe tai twala komwenyo waalushe. (Mat 7:13, 14) Molwaashi ohatu popi novanhu vomalongelokalunga e lili noku lili novomaputuko a yoolokafana, natu longifeni Ombiibeli va mone nghee tai va kwafele pauhandimwe. (1Tim 2:4) Eshi hatu ende hatu shiiva shihapu kombinga yoikundafanwa ya yoolokafana yOmbiibeli nokuxwepopaleka onghedi yetu yokuhonga, ohatu ka kala tu shii ‘okutukula nawa ondjovo yoshili,’ nehafo letu otali ka hapupala nohatu ka pondola mokuhonga ovanhu oshili. — 2Tim 2:15.