Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Onghalamwenyo yopaKriste noilonga yokuudifa – okafo kokulongifwa pokwoongala  |  Auguste 2016

 OKUKALA OMUKRISTE WASHILI

Xwepopaleka ounghulungu woye moukalele—Kwafela ovakonakonimbiibeli ve liyapulile Jehova nokuninginifwa

Xwepopaleka ounghulungu woye moukalele—Kwafela ovakonakonimbiibeli ve liyapulile Jehova nokuninginifwa

OMOLWASHIKE SHA FIMANA: Opo omukonakonimbiibeli a kale a hokiwa kuJehova, oku na oku mu liyapulila onghalamwenyo yaye nokuninginifwa. (1Pet 3:21) Opo nee ota ka kala meameno laJehova lopamhepo ngeenge okwa kala metwokumwe neliyapulo laye. (Eps 91:1, 2) Otwe liyapulila Jehova; ashike inatu liyapulila omunhu, oilonga ile ehangano lonhumba. Onghee hano, omukonakoni oku na okukulika ohole yokuhola Jehova nokukala e na olupandu. — Rom 14:7, 8.

NGHEE U NA OKU SHI NINGA:

  • Pefimbo lekonakono, mu lombwela ouyelele kombinga yaJehova. Divilika a kale ha lesha Ombiibeli efiku keshe nokukala ha ilikana kuJehova nopehe ‘nedimbuko.’ — 1Tes 5:17; Jak 4:8.

  • Ladipika omukonakoni woye e litulile po elalakano lokuliyapulila Jehova nokuninginifwa. Mu ladipika yo a kale ha yandje omatyekosha pokwoongala nokukale ha udifile ovashiinda novanailonga pamwe naye. Mu lombwela kutya Jehova ihe tu kondjifa tu mu longele. Okuninginifwa oshi li etokolo lomunhu mwene. — Deut 30:19, 20

  • Ladipika omukonakoni woye a ninge omalunduluko opo sha pumbiwa opo a kale a hokiwa kuJehova nokukale a wana okuninginifwa. (Omayel 27:11) Molwaashi otashi dulika shi kale shidjuu komukonakoni a efe po oinima oyo a li ha ningi nale, mu lombwela kutya okwa pumbwa okulidula omunhu mukulu nokudjala omunhu mupe. (Ef 4:22-24) Mu ulikila oitukulwa oyo hai kala mOshungonangelo i na oshipalanyole “Ombiibeli ohai lundulula onghalamwenyo yovanhu”

  • Mu lombwela ehafo olo wa mona eshi to longele Jehova. — Jes 48:17, 18