Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 OKUKALA OMUKRISTE WASHILI

Lalakanena eefikola odo tadi hangwa mehangano laJehova

Lalakanena eefikola odo tadi hangwa mehangano laJehova

OMOLWASHIKE SHA FIMANA: Omuhongi wetu munenenene, Jehova, ohe tu pe ehongo la denga mbada. Ohe tu hongo nghee hatu dulu okukala nonghalamwenyo i li xwepo nokwe tu longekidila onakwiiwa itunhula. Oinima aishe oyo, kutya nee eefikola nosho yo onakwiiwa itunhula, otwe i pewa oshali. (Jes 11:6-9; 30:20, 21; Eh 22:17) Jehova okwe tu deula yo nghee hatu dulu okuudifila ovanhu etumwalaka olo tali xupifa eemwenyo. — 2Kor 3:5.

NGHEE U NA OKU SHI NINGA:

  • Kulika oukwatya welininipiko. — Eps 25:8, 9

  • Ngeenge wa pewa oshipopiwa pokwoongala kwomokati koshivike, kala ho shi wanifwa po

  • Litulila po omalalakano opamhepo. — Fil 3:13

  • Ninga omaliyambo opo u ka mone edeulo keefikola dimwe vali. — Fil 3:8

TALENI OKAVIDIO EHONGO LAJEHOVA OLO DINGI, NDELE TAMU KUNDAFANA OMAPULO TAA SHIKULA:

  • Ovaudifi vamwe ova li ve na okufinda omandangalati elipi opo va dule okuya kOfikola yOvaudifi vOuhamba?

  • Edeulo lilipi hali yandjwa kOfikola yOvaudifi vOuhamba?

  • Ongahelipi eongalo tali dulu okuyambidida ovanafikola ovo va tuminwa komaongalo avo?

  • Ofikola yOvaudifi vOuhamba ohai pula oiteelelwa ilipi? (kr 189)

  • Eefikola vali dilipi to dulu okulalakanena mehangano laJehova?

Omanangeko noupuna elipi to ka mona ngeenge owa lalakanene ehongo lopakalunga?