Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 OKUKALA OMUKRISTE WASHILI

Natu va hambelele nohamu

Natu va hambelele nohamu

Oolyelye twa pumbwa okuhambelela nohamu? Omunhu keshe oo te uya pokwoongala kutya nee ovovo vape ile ovovo va ninga efimbo inave uya ko. (Rom 15:7; Heb 13:2) Otashi dulika va kale ovamwatate ve uya oku tu talela po va dja koshilongo shimwe ile ovo inave lipyakidila vali nohave uya ashike kokwoongala lumwe momudo. Mbela ngeno oove, oto ka kala u udite ngahelipi? Mbela ito ka kala wa hafa ngeenge owa tambulwa ko nohamu? (Mat 7:12) Mbela omolwashike ito ningi eenghendabala u kale ho i kOlupale lOuhamba kuyele opo u popife ovanhu ofimbo okwoongala inaku hovela nokonima yako? Ohatu ka fimanekifa Jehova ngeenge otwa kala hatu hambelele ovanhu nohamu nosho yo pahole. (Mat 5:16) Oshoshili kutya itatu ka dula okupopya nakeshe umwe oo e uya pokwoongala. Ashike ovanhu aveshe otava ka kala va hafa ngeenge otwe va popifa. *

Otwa pumbwa okuhambelela ovanhu nohamu efimbo keshe ndele ha peemhito ashike odo de likalekelwa ngaashi pEdimbuluko. Ngeenge ovanhu ovo vape ova mono nghee twe va tambula ko pahole, otashi ke ve linyengifa va hambelele Kalunga nove tu waimine melongelokalunga la koshoka. — Joh 13:35.

^ okat. 3 Omafinamhango Ombiibeli aa otae tu kelele tuha kwatafane notuha endafane novanhu ovo va kondwa. — 1Kor 5:11; 2Joh 10.