Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

ONGHALAMWENYO YOPAKRISTE NOILONGA YOKUUDIFA–OKAFO KOKULONGIFWA POKWOONGALA APRILI 2016

 OKUKALA OMUKRISTE WASHILI

Onghedi ipe i na sha nanghee hatu dulu okutameka eenghundafana

Onghedi ipe i na sha nanghee hatu dulu okutameka eenghundafana

Okuhovela muMarsa 2016, konima yOshungonangelo yomoukalele otaku kala haku kala oshitukulwa shi na oshipalanyole “Osho Ombiibeli tai ti.” Oshitukulwa osho osha nuninwa oku tu kwafela tu hovele eenghundafana dopaMbiibeli. Osha unganekwa monghedi ya faafana noufo vetu. Oshi na epulo olo tali pula omunhu a popye etaleko laye, taku landula enyamukulo lopamishangwa nosho yo oitwa imwe ya wedwa po ya nuninwa okukundafanwa.

Eenghundafana diwa di na sha noinima yopamishangwa luhapu ohadi twala kokuhovela ekonakonombiibeli. Longifa onghedi oyo ipe u kwafele ovanhu vahapu va mone eendja dopamhepo. — Mat. 5:6.

NGHEE HATU DULU OKULONGIFA OSHITUKULWA OSHO:

  1. Pula omuneumbo a popye etaleko laye kombinga yalimwe lomomapulo

  2. Pwilikina kuye ndele to mu pandula omolwenyamukulo laye

  3. Lesha omushangwa oo u li koshi yoshipalanyole “Osho Ombiibeli tai ti,” ndele to mu pula kutya oku udite ko ngahelipi omushangwa oo. Ngeenge oku na efimbo, twikila okukundafana naye, to longifa oshitwa osho shi li koshi yokapalanyole “Oshike vali hatu lihongo mOmbiibeli?”

  4. Yandja oshifo

  5. Ninga omalongekido u shune ko opo mu ka kundafane epulo etivali