Oilonga yado yokuudifa oyo ya tamunuka mo neenghono oyo hai di didilikifa ngaashi okuudifa eumbo neumbo, meenhele daaveshe nakeshe pamwe. Omolwashike hadi ningi ngaho?

Ohadi udifa opo di tumbalekife Kalunga nokushiivifa edina laye. (Ovaheberi 13:15) Ohadi udifa yo metwokumwe nelombwelo laJesus Kristus, eshi a ti: ‘Indeni hano ka ningeni ovanhu aveshe ovahongwa vange, noku va honga okudiinina aishe ei nde i mu lombwela.’ — Mateus 28:19, 20.

Ohadi udifa yo molwaashi odi hole ovanhu vakwao. (Mateus 22:39) Oda didilika kutya vahapu ove na omaitavelo avo nonokutya haaveshe ve hole okupwilikina etumwalaka lado. Oda itavela kutya omahongo Ombibeli ohaa xupifa eemwenyo. Ngaashi Ovakriste vonale, nado ‘ihadi efa okuhonga nokuudifa evangeli laKristus Jesus.’ — Oilonga 5:41, 42.

Oshifokundaneki shimwe El Universal, shomoVenezuela osha popya kombinga yomushiivinghalo Antonio Cova Maduro a shanga a ti: “Ovo hava kendabala okuhepeka Eendombwedi daJehova, ohave lilolola vovene . . . ., molwaashi etumwalaka lOmbibeli ohali tandavele mounyuni aushe.”

Ovaleshi vahapu voileshomwa yado novanhu omamiliyona ovo hava konakona Ombibeli nado kave fi Eendombwedi daJehova, ove na omalongelokalunga avo. Ashike ohave di pandula unene eshi hadi va talele po.

Otashi dulika u na omapulo makwao e na sha nEendombwedi daJehova. Otadi ku shivi opo u mone omanyamukulo

  • Mokupula umwe womudo.

  • Mokutala ko-website yado, www.jw.org.

  • Mokwoongala pamwe nado, oko ihaku futilwa nokwa mangulukila keshe umwe.