Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

OSHUNGONANGELO JULI 2015

Omapulo opaMbibeli a nyamukulwa

Omapulo opaMbibeli a nyamukulwa

 OMAPULO OPAMBIBELI A NYAMUKULWA

Efiku lEtokolo oshike?

Omolwashike efiku letokolo tali ka kala lihafifa?

Pefimbo lOmbibeli, Kalunga okwa li a longifa ovatokolipangeli opo a amene oshiwana shaye omolwokuhenouyuki. (Ovatokolipangeli 2:18) Ombibeli oya yelifa shi na sha nEfiku lEtokolo olo tali ke uya kutya otali ka kala efimbo lehafo eshi Jehova, omutokoli wedu alishe, ta ka xupifa ovanhu kokuhenouyuki. — Lesha Epsalme 96:12, 13; Jesaja 26:9.

Kalunga okwa hoolola Jesus a tokole pauyuki ovanamwenyo novafi. (Oilonga 10:42; 17:31) Ovanhu vahapu ova fya inava shiiva Kalunga. Petokolo, Jesus ota ka nyumuna ovanhu ovo, opo ve lihonge kombinga yaKalunga kashili nova kale ve mu hole. — Lesha Oilonga 24:15.

Omolwashike Efiku lEtokolo tali ka kwata oule womido eyovi?

Oonakufya otava ka nyumunwa momukokomoko womido eyovi. (Ehololo 20:4, 12) Otava ka pumbwa efimbo ve lihonge eendjila daKalunga nokudulika kuye. Mepingafano nomadiladilo avahapu, Ombibeli otai ulike kutya ovanhu otava ka tokolwa she likolelela kwaasho tava ka ninga konima yenyumuko. — Lesha Ovaroma 6:7.

Ombibeli otai ulike yo kutya efiku letokolo otali ke uya ombadilila fimbo omido eyovi inandi hovela. Efiku olo otali ifanwa yo exulilo, ngaashi sha yelifwa moitukulwa yoshifo eshi. Mefiku olo, Kalunga ota ka hanauna po ovahenakalunga aveshe. (2 Petrus 3:7) Onghee hano, otwa pumbwa okuulika kutya otu hole Kalunga. — Lesha 2 Petrus 3:9, 13.