Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Oshungonangelo — Oshifo shokukonakonwa  |  Juli 2013

Oshilyo shipe shOlutuwiliki

Oshilyo shipe shOlutuwiliki

Ongula yEtitatu 5 Septemba 2012, oukwaneumbo waBetel wokOilongo ya Hangana nosho yo wokuKanada owa li wa shiivifilwa kutya mOlutuwiliki lEendombwedi daJehova omwa wedwa oshilyo shipe. Okudja mu-1 Septemba 2012, Mark Sanderson okwa hovela okulonga e li oshilyo shOlutuwiliki lEendombwedi daJehova.

Omumwatate Sanderson okwa putukila muSan Diego shaCalifornia, muU.S.A, a tekulwa kovadali vaye Ovakriste nokwa ninginifwa 9 Februali 1975. Mu-1 Septemba 1983, okwa li a hovela okukokola ondjila muSaskatchewan, shaKanada. MuDesemba 1990, okwa li a pita ondodo onhiheyali mOfikola yOkudeula mOukalele (oyo paife hai ifanwa Ofikola yOmbibeli yOkudeula Ovamwatate Inava Hombola) kOilongo ya Hangana. MuAprili 1991, omumwatate Sanderson okwa li a nangekwa po e li omukokolindjila e likalekelwa kokanhunhu kaNewfoundland muKanada. Opo nee, okwa ka kala ta longo e li omukalelipo womupashukilishikandjo, nokonima yaasho, muFebruali 1997, okwa ka shivwa a ka ninge oshilyo shoukwaneumbo waBetel moKanada. MuNovemba 2000, okwa li a tuminwa koshitaimbelewa shokOilongo ya Hangana oko a li ta longo mOshikondo shOmauyelele shOkukwatafana nOipangelo nolwanima okwa ka longa mOshikondo shOilonga.

MuSeptemba 2008, omumwatate Sanderson okwa li a ya kOfikola yOkudeula Oilyo yEekomitiye dOitaimbelewa nolwanima okwa ka nangekwa po e li oshilyo shOkomitiye yOshitaimbelewa shaFilipine. MuSeptemba 2010, okwa li a shivwa a alukile kOilongo ya Hangana oko a ka kwafela Okomitiye yOilonga yOlutuwiliki.