Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

OSHUNGONANGELO (OSHIFO SHOKUKONAKONWA) JULI 2013

“Tala efano lihokwifa!”

“Tala efano lihokwifa!”

Olungapi we lipopila ile wa lombwela umwe to ti, “tala efano lihokwifa,” ngeenge wa penuna Oshungonangelo ipe? Ohashi pula efimbo noilonga ihapu opo ku longekidwe omafano mawa oo haa kala mOshungonangelo nokwa tulwa mo nelalakano. Ohae tu kwafele tu diladile kwaasho hatu lihongo mo nohaa kumu omitima detu. Otaa dulu oku tu kwafela unene tuu ngeenge hatu lilongekida nongeenge hatu kufa ombinga mEkonakono lOshungonangelo.

Pashihopaenenwa, diladila kutya efano keshe olo hali kala pehovelo loshitukulwa shokukonakonwa ola tulilwa po shike. Otali ulike shike? Ola pambafana ngahelipi noshipalanyole shoshitukulwa ile nomushangwa woshipalanyole? Diladila yo kutya omafano makwao okwa pambafana ngahelipi noshikundafanwa osho nokwa kuma ngahelipi onghalamwenyo yoye.

Omukwatelikomesho wEkonakono lOshungonangelo oku na okupula eongalo li ninge omatyekosha e na sha nefano keshe, li popye kutya oshike hatu lihongo mo ile kutya ole tu kuma ngahelipi pauhandimwe. Peemhito dimwe, pefano ohapa shangwa kutya ouyelele u na sha nalo owa kundafanwa mokatendo kelipi. Ndele peemhito dikwao, omukwatelikomesho ota dulu okutala kutya okatendo kelipi ka pambafana nefano lonhumba. Osho otashi ka kwafela ovapwilikini aveshe va mone ouwa pauyadi meenghendabala odo da ningwa po doku ku tukwafela tu faneke momadiladilo oilihongomwa oyo i li mEendjovo daKalunga.

Omumwatate umwe okwa ti kutya ngeenge ta lesha oshitukulwa shihokwifa, omafano ohae shi ningifa shihokwifa vali unene.