Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

OSHUNGONANGELO (OSHIFO SHOKUKONAKONWA) MEI 2013

Omapulo a dja kovaleshi

Omapulo a dja kovaleshi

Mbela Ovaisrael ova li hava endjelelifa ovalongi vominyonena komuti?

Oiwana ihapu yopefimbo lonale oya li hai tokolele ovalongi vominyonena vonhumba efyo lokomuti ile kopala. Ovaroma ova li hava mangele ile va valele omunyoni komuti, oko tashi dulika a kale oule womafiku onhumba e na omwenyo, e udite ouyahame, enota nosho yo ondjala, fiyo ta fi. Ova li va tala ko okuvalelwa ku li ehandukilo li fifa ohoni, olo la li hali tokolelwa ashike ovalongi vominyonena ovo va li va dinika.

Ongahelipi shi na sha noshiwana shaIsrael shonale? Mbela Ovaisrael navo ova li hava endjelelifa ovanyoni komuti? Omhango yaMoses oya ti: ‘Ngeenge umwe ta nyono e netimba lokufya ndee ta dipawa po nokwa pondelwa momuti, a endjelelekwa mo, oshimhu shaye shiha kale ko komuti oufiku, ndelenee mefiku tuu olo mu noku shi paka shili.’ (Deut. 21:22, 23) Osha yela kutya pefimbo lOmishangwa dOshiheberi, omunhu oo a li a tokolelwa efyo okwa li ha dipawa tete, opo nee ta endjelelekwa koshiti ile momuti.

Leviticus 20:2 okwa popya shi na sha naasho a ti: “Keshe umwe womovana vaIsrael nawomovanailongo hava kala muIsrael, ou ta yandje kuMolok ounona vaye, ye e nokufya shili. Ovanhu vomoshilongo nave mu dipae nomamanya.” Ngeenge omunhu a li e na “omhepo yomufi ile omhepo youpule” naye okwa li e na okudipawa. Ngahelipi mbela? Okwa li e na okudipawa nomamanya. — Lev. 20:27, yelekanifa no-NW.

Deuteronomion 22:23, 24 okwa ti: “Omona okakadona ngenge ka valekwa komulumenhu, ndele umwe te mu kwata moshilando ndee ta nangala naye, opo nee vo aveshe vavali ve nokweetwa koshivelo shoshilando noku va dipaa nomamanya. Okakadona, shaashi ko inaka kuwa onghuwo nando ka kala moshilando, nomulumenhu shaashi ye a fifa ohoni omukainhu womukwao. Osho ngaha hano mu nokudima po owii mokati keni.” Hano okudipaa ovanhu nomamanya oko kwa li onghedi oyo ya li hai longifwa unene kOvaisrael vopefimbo lonale ngeenge tava dipaa ovo va nyona omanyono a kwata moiti. *

Osha yela kutya pefimbo lOmishangwa dOshiheberi, omunhu oo a li a tokolelwa efyo okwa li ha dipawa tete, opo nee ta endjelelekwa koshiti ile momuti

Deuteronomion 21:23 okwa ti kutya “ou a endjelela momuti, oye omufingwa waKalunga.” Okuulika moipafi oshimhu shomukolokoshi oo a ‘fingwa kuKalunga’ oshi na okukala sha li hashi kumu Ovaisrael. Okweendjelelifa oshimhu shomunhu koshiti ile momuti osha li hashi kala elondwelo kuvakwao.

^ okat. 6 Ovahongwanhu vahapu ova dimina kutya paMhango, omukaulinyanga okwa li e na tete okudipawa fimbo oshimhu shaye inashi endjelelekwa komuti. Ndele ope na oumbangi oo tau ulike kutya mefelemudo lotete, Ovajuda ova li hava endjeleleke komuti ovakaulinyanga vamwe ve na omwenyo noko hava file.