Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

OSHUNGONANGELO NO. 2 2016

Ondiaboli oshike ile olyelye naanaa?

Ondiaboli oshike ile olyelye naanaa?

Ondiaboli oshike ile olyelye naanaa?

MBELA OTO TI KUTYA Ondiaboli . . .

  • Omunhu wopamhepo?

  • Oikala yowii i li meni lovanhu?

  • Ile oinima ashike oyo ovanhu hava faneke momadiladilo?

OSHO OMBIIBELI TAI TI

Ondiaboli oya li ya tomhafana ‘nokuhongaula’ Jesus. (Mateus 4:1-4) Osha yela kutya Ondiaboli kai fi oikala yowii ile oinima oyo ovanhu hava faneke momadiladilo. Ondiaboli omunhu wopamhepo omukolokoshi.

OSHIKE VALI HATU LIHONGO MOMBIIBELI?

  • Pehovelo Satana Ondiaboli okwa li omweengeli omudiinini, ashike “ina kala moshili.” (Johannes 8:44) Okwa ninga omunaipupulu ndele ta tukulile Kalunga oshibofa.

  • Ovaengeli vamwe ova li yo va shikula ounashibofa waSatana. — Ehololo 12:9.

  • Ondiaboli oya twikifa ovanhu vahapu. — 2 Ovakorinto 4:4.

Mbela Ondiaboli otai dulu okupangela ovanhu?

OVANHU VAMWE OHAVA TI kutya osho itashi shiiva ofimbo vamwe hava kala va tila okupangelwa keemhepo dowii. Mbela ove oto ti ngahelipi?

OSHO OMBIIBELI TAI TI

‘Ounyuni aushe ou li mepangelo lomunawii.’ (1 Johannes 5:19) Ondiaboli oi na enwefemo lihapu neenghono, ashike havanhu aveshe ve li koshi yepangelo layo.

OSHIKE VALI HATU LIHONGO MOMBIIBELI?

  • Ondiaboli ohai longifa omakoto opo i nwefe mo ovanhu. — 2 Ovakorinto 11:14.

  • Omafimbo amwe eemhepo dowii ohadi dulu okupangela ovanhu. — Mateus 12:22.

  • Kalunga ota dulu oku ku kwafela u ‘kondjife Satana.’ — Jakob 4:7.

 

Lihonga shihapu

Omolwashike Kalunga a efa oukolokoshi nokumona oixuna ku kale po?

Oukolokoshi owa hovela naini, nomolwashike Kalunga a pitika u twikile? Okumona oixuna otaku ka xula po ngoo?