Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Oshungonangelo  |  No. 1 2016

Omapulo opaMbibeli a nyamukulwa

Omapulo opaMbibeli a nyamukulwa

Ohatu dulu ngoo okushiiva oshili kombinga yaKalunga?

Omolwashike kalunga a hala tu shiive oshili? Lesha Johannes 17:3

Kalunga oha popi novanhu. Okwa longifa omhepo iyapuki, eenghono daye tadi longo opo a nwefe mo omadiladilo ovashangi vOmbibeli. (2 Petrus 1:20, 21) Ohatu dulu okushiiva oshili kombinga yaKalunga ngeenge otwa kala hatu lesha Ombibeli. — Lesha Johannes 17:17; 2 Timoteus 3:16.

Kalunga okwa holola oinima ihapu kombinga yaye okupitila mOmbibeli. Okwe tu shiivifila kutya omolwashike a shita ovanhu, osho te ke va ningila monakwiiwa nonghee a hala tu kale. (Oilonga 17:24-27) Jehova Kalunga okwa hala tu shiive oshili kombinga yaye. — Lesha 1 Timoteus 2:3, 4.

Omolwashike Kalunga ha tambula ko ovo ve hole oshili?

Jehova oye Kalunga kashili nokwa li a tuma Omona waye, Jesus, a honge ovanhu oshili. Onghee hano, ovo ve hole oshili ova nanwa kuJesus. (Johannes 18:37) Kalunga okwa hala ovanhu va tya ngaho va ninge ovapiya vaye. — Lesha Johannes 4:23, 24.

Satana Ondiaboli oha amuna ko ovanhu vahapu vaha shiive Kalunga mokutandavelifa omahongo oipupulu kombinga yaKalunga. (2 Ovakorinto 4:3, 4) Ovanhu ovo ve tonde ouwa, ova nwefwa mo komahongo oipupulu oo. (Ovaroma 1:25) Ashike ovanamitimadiwa vahapu ova mona oshili kombinga yaKalunga mokukonakona Ombibeli. — Lesha Oilonga 17:11.