Ohatu ku shivi u tale oshoongalele shoshitukulwa shEendombwedi daJehova shomafiku atatu shomudo ou. Omolwomukifi wo-coronavirus (COVID-19), oprograma yoshoongalele shomudo ou otai ka talika ko jw.org. Omutumba woshoongalele otau ka tulwa ko muJuli naAuguste.

OMANENEDILADILO

• Omutumba wEtitano: Ila u lihonge nghee ovashamane, ovakulukadi, ovadali nosho yo ounona tava dulu okuxumifa komesho ehafo moukwaneumbo. Oto ka didilika yo nghee eshito laKalunga nosho yo onghedi omo e tu shita tai ulike kutya okwa hala tu kale twa hafa.

• Omutumba wOlomakaya: Omolwashike Eendombwedi daJehova hadi hafele okuudifa etumwalaka lopaMbiibeli mounyuni aushe? Oto ke lihonga etomheno letu lopaMbiibeli lokuudifa nokuhonga okupitila moipopiwa, ouvidio nosho yo momapulapulo.

• Omutumba wOsoondaxa: Ombibeli otai udaneke kutya enangeko noupuna laKalunga “olo tali likolifa, noshilonga shidjuu itashi wedele ko sha.” (Omayeletumbulo 10:22) Ila u pwilikine koshipopiwa shopaMbiibeli shi na oshipalanyole, “Ongahelipi hatu dulu okuhafela oupuna nopehe na oudjuu?” nokuuda omatomheno kutya omolwashike hatu dulu okulineekela eudaneko olo.

• Oshinyandwa shopaMbiibeli: Ongahelipi hatu dulu okumona ouwa mouladi nomexwamo laNehemia? Ila u tale okavidio ke na oitukulwa yopavali mOlomakaya nomOsoondaxa ke na oshipalanyole “Ehafo mOmwene olo eenghono deni.” — Nehemia 8:10.

OPROGRAMA YOSHALI

INO PUMBWA OKUTULA MO ONOMOLA YOMEHOLEKO

Tala elandulafano alishe nokavidio kombinga yoyoongalele yetu ko www.jw.org.