Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Mbela Eendombwedi daJehova ohadi udifa eumbo neumbo nelalakano opo di ka xupifwe?

Mbela Eendombwedi daJehova ohadi udifa eumbo neumbo nelalakano opo di ka xupifwe?

Ahowe. Oshoshili kutya ohatu udifa eumbo neumbo pandjikilile, ndele inatu itavela kutya oilonga oyo oyo tai ke tu xupififa. (Ovaefeso 2:8) Omolwashike mbela?

Diladila kwaashi: Natu tye nee omulumenhu omunanghenda okwa udaneka okuyandja oshali i na ondilo kukeshe oo ta ka ya konhele yonhumba mefiku lonhumba. Mbela ito ka shikula omalombwelo aye ngeenge owa itavela kutya ota ka wanifa po shili eudaneko laye? Osho to ka ninga. Otashi dulika yo u lombwele ookaume novapambele voye kombinga yeudaneko olo, opo navo va ka mone mo ouwa. Ashike itashi ti kutya oshali oyo owe i longela eshi wa shikula omalombwelo omulumenhu oo. Oshali oshali ashike.

Sha faafana, Eendombwedi daJehova oda itavela kutya Kalunga okwa udanekela omwenyo waalushe aveshe ovo hava dulika kuye. (Ovaroma 6:23) Ohatu kendabala okulombwela vamwe kombinga yeitavelo letu, molwaashi otwa hala navo va ka mone ouwa mwaasho Kalunga a udaneka. Ndele inatu itavela kutya otwe lilongela exupifo omolwokukufa ombinga moukalele. (Ovaroma 1:17; 3:28) Kape na omunhu ta dulu nandenande okulongela enangeko noupuna laKalunga olo la tongomana. ‘Okwe tu xupifa hamolwoilonga youyuki twe i longa ngeno, ndelenee opafilonghenda.’—Titus 3:5.