Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Mbela omunhu ota dulu okukala ina hala vali okukala Ondombwedi yaJehova?

Mbela omunhu ota dulu okukala ina hala vali okukala Ondombwedi yaJehova?

Heeno. Omunhu ota dulu okufiya po ehangano letu meenghedi dopavali:

  • Mokuninga eindilo. Ota dulu okupopya ile a shange kutya ina hala vali okukala a shiivika e li Ondombwedi yaJehova.

  • Eenghatu. Omunhu ota dulu okukatuka onghatu ihe li pandunge, oyo tai mu ningifa aha kale vali oshitukulwa shoumwainafana wetu womounyuni aushe. (1 Petrus 5:9) Pashihopaenenwa, omunhu ota dulu oku ka waimina elongelokalunga limwe nokushiivifa kutya oku li oshilyo shongeleka oyo. — 1 Johannes 2:19.

Ongahelipi ngeenge omunhu iha udifa vali ile iha i vali kokwoongala? Mbela oto dulu okutya omunhu oo ke fi vali Ondombwedi?

Ahowe, hasho nande. Ope na eyooloko pokati kokukala uhe fi ondombwedi, oku ha endafana nolokukala wa talala pamhepo. Ina shi hala kutya ovanhu ovo va talala pamhepo ile ihava ongala vali ova efa po eitavelo lavo, ashike otashi dulika va teka omukumo. Ponhele yokutongola ko ovanhu ovo, ohatu kendabala oku va twa omukumo noku va yambidida. (1 Ovatessaloniki 5:14; Judas 22) Ngeenge omunhu okwa pumbwa ekwafo, ovakulunhuongalo ohava yandje ekwafo lopamhepo. — Ovagalati 6:1; 1 Petrus 5:1-3.

Ashike nande ongaho, ovakulunhuongalo ihava fininike ile va kondjife omunhu a kale Ondombwedi yaJehova. Omunhu keshe oku na okuninga ehoololo laye mwene li na sha nelongelokalunga. (Josua 24:15) Otwa itavela kutya ovo hava longele Kalunga ove na oku shi ninga nehalo liwa notashi di komutima. — Epsalme 110:3; Mateus 22:37.

Lihonga shihapu

Mbela Eendombwedi daJehova ohadi henuka ovo vehe fi vali oilyo yelongelokalunga lado?

Omafimbo amwe ohashi kala sha pumbiwa okukonda mo omunhu notashi dulu oku mu kwafela a alukile keongalo.

Eendombwedi daJehova ovanhu naanaa va tya ngahelipi?

Mbela ou shii vamwe vomEendombwedi daJehova? Oshike lelalela u shii kombinga yetu?