Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Olyelye a tota po ehangano lEendombwedi daJehova?

Olyelye a tota po ehangano lEendombwedi daJehova?

Ehangano lokunena lEendombwedi daJehova ola hovela pexulilo lefelemudo 19. Pefimbo opo, ongudu inini yOvakonakonimbibeli ovo va li popepi naPittsburgh, Pennsylvania mOilongo ya Hangana, ova li va hovela okukonakona nawanawa Ombibeli. Ova li va yelekanifa omahongo oo a li taa hongwa keengeleka naasho Ombibeli tai hongo shili. Oinima oyo va li ve lihonga ova li va hovela oku i nyanyangida momambo, moifokundaneki nosho yo moshifo osho hashi ifanwa kunena Oshungonangelo tai shiivifa Ouhamba waJehova.

Mokati kongudu oyo yOvakonakonimbibeli vashili omwa li omulumenhu wedina Charles Taze Russell. Nonande Russell okwa li a kwatela komesho moilonga yokuhonga Ombibeli pefimbo opo nokwa shanga oshikando shotete Oshungonangelo, ka li a tota po elongelokalunga lipe. Elalakano laRussell nOvakonakonimbibeli vakwao, ngaashi va li va shiivika pefimbo opo, ola li okuxumifa komesho omahongo aJesus Kristus nokulandula onghedi yeongalo lopaKriste lomefelemudo lotete. Molwaashi Jesus oye Omutoti wOukriste, otwe mu tala ko kutya oye omutoti wehangano letu.—Ovakolossi 1:18-20.