Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Mbela Eendombwedi daJehova ohadi tula po eendjidikila di na sha neemuvi donhumba, omambo ile omaimbilo?

Mbela Eendombwedi daJehova ohadi tula po eendjidikila di na sha neemuvi donhumba, omambo ile omaimbilo?

Ahowe. Ehangano letu ihali tale eemuvi dokondadalunde, omambo ile omaimbilo opo li tokole kutya oilyo yalo oi na okuhenuka oinima ilipi. Omolwashike mbela?

Ombibeli oya ladipika keshe umwe pauhandimwe a shiive “okutongola ouwa nowii.”—Ovaheberi 5:14.

MOmishangwa omu na omafinamhango oo taa dulu okuwilika Omukriste ngeenge ta hoolola omalihafifo. * Ngaashi ashike meenghedi dikwao dokukalamwenyo, elalakano letu olo ‘okushipaashipa eshi tashi wapalele Omwene.’—Ovaefeso 5:10.

Ombibeli otai hongo kutya omitwe domaukwaneumbo odi na eenghonopangelo donhumba, nomolwaasho otadi dulu okutokola kutya oilyo yomaukwaneumbo ado itai kufa ombinga momalihafifo onhumba. (1 Ovakorinto 11:3; Ovaefeso 6:1-4) Ndele kape na omunhu kondje youkwaneumbo e na oufemba wokutulila po oilyo yeongalo eendjidikila shi na sha neemuvi donhumba dokondadalunde, omaimbilo ile ovashikingalo.—Ovagalati 6:5.

^ okat. 4 Pashihopaenenwa, Ombibeli oya tokola keshe osho tashi xumifa komesho oumhulile, onyata yoipala ile elongifo leenghono.—Deuteronomion 18:10-13; Ovaefeso 5:3; Ovakolossi 3:8.