Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Mbela Eendombwedi daJehova oshimhanga shokoAmerika?

Mbela Eendombwedi daJehova oshimhanga shokoAmerika?

Ombelewa yetu ya kula oi li kOilongo ya Hangana yaAmerika. Ndele nande ongaho, katu fi oshimhanga shokoAmerika omolwomatomheno aa taa landula apa:

  • Vamwe ohava fatulula kutya oshimhanga osho ongudu oyo ya dja melongelokalunga la kula. Eendombwedi daJehova inadi dja momalongelokalunga amwe. Ponhele yaasho, otu udite kutya ohatu landula Oukriste oo wa li ko mefelemudo lotete.

  • Eendombwedi daJehova ode lipyakidila moukalele moilongo i dule po 230. Kashi na nee mbudi kutya otu li peni, ohatu tange ounamapangelo waJehova Kalunga naJesus Kristus, ndele hapangelo lOilongo ya Hangana ile omapangelo amwe vali opanhu.—Johannes 15:19; 17:15, 16.

  • Omahongo etu aeshe okwa kanghamena kOmbibeli, ndele hakomashangelo onhumba ovawiliki vopalongelokalunga ve li mOilongo ya Hangana.—1 Ovatessaloniki 2:13.

  • Ohatu landula Jesus Kristus ndele hamuwiliki wonhumba wopanhu.—Mateus 23:8-10.