Inda koshikalimo

Inda kelandulafano etivali

Eendombwedi daJehova

Oshikwanyama

Omolwashike Eendombwedi daJehova hadi lundulula eudeko lado li na sha nOmbiibeli?

Omolwashike Eendombwedi daJehova hadi lundulula eudeko lado li na sha nOmbiibeli?

Eudeko letu alushe ohali kala la kanghamena kOmbiibeli, onghee hano ohatu lundulula efatululo letu she likolelela keudeko la yela lomishangwa. *

Omalunduluko a tya ngaho oku li metwokumwe nomayele Ombiibeli oo taa hangwa mOmayeletumbulo 4:18 kutya: “Fimbo elila lovayuki li li ngaashi eluwa tali tende, lo tali eta ouyelele tau hapupala fiyo omutenya tau tu.” Ngaashi ashike etango ngeenge tali piti hali eta ouyelele, Kalunga naye ohe tu pe eudeko lopakalunga li na sha noshili peufwafimbo laye la wapala. (1 Petrus 1:10-12) Ngaashi Ombiibeli ya xunganeka, Kalunga ota endelelifa ‘efimbo lexulilo.’ — Daniel 12:4.

Omalunduluko oo kae na oku tu kumwifa ile oku tu piyaaneka. Nokuli noshiwana shaKalunga shonale osha li shi na etaleko la puka nova li ve na oku li lundulula.

  • Moses okwa li e lininga ye mwene omuxupifi wOvaisrael oule womido 40 ofimbo Kalunga ine mu nangeka po. — Oilonga 7:23-25, 30, 35.

  • Ovayapostoli ova li va dopa okuuda ko exunganeko olo la li tali popi shi na sha nefyo nenyumuko laMessias. — Jesaja 53:8-12; Mateus 16:21-23.

  • Ovakriste vamwe ova li ve na etaleko la puka li na sha ‘nefiku lOmwene.’ — 2 Ovatessaloniki 2:1, 2.

Lwanima, Kalunga okwa ke va pukulula, notu na elineekelo kutya ota ka twikila oku tu ningila sha faafana. — Jakob 1:5.

^ okat. 2 Ihatu holeke elunduluko letu li na sha neudeko letu loinima yOmbiibeli. Ashike ohatu nyanyangida ouyelele oo. Pashihopaenenwa, tala oshitukulwa shi na oshipalanyole “Eudeko la pepalekwa” osho hashi hangwa moishangomwa yetu oyo i li kointaneta.