Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Ekonakonombibeli oshike?

Ekonakonombibeli oshike?

Ngeenge owa konakona Ombibeli nEendombwedi daJehova, otadi ke ku kwafela u mone omanyamukulo komapulo ngaashi aa taa landula:

  • Kalunga oye lyelye?

  • Mbela Kalunga oku na ko ngoo nasha naame?

  • Oshike tashi dulu oku tu kwafela tu kale tu na ekwatafano liwa mohombo?

  • Oshike tashi dulu okukwafela nge ndi kale nda hafa?

Apa otapa landula omanyamukulo omapulo oo haa pulwa luhapu shi na sha nekonakonombibeli.

Ekonakonombibeli ohali ningwa ngahelipi? Ohatu kundafana novanhu oikundafanwa kooshimwe, ngaashi nande okombinga “yaKalunga” ile “yohombo” nokukonakona kutya omishangwa otadi ti shike kombinga yaasho. Mokuninga ngaho, ohatu ka mona kutya Ombibeli aishe otai hongo shike kombinga yoshikundafanwa osho, naasho otashi tu kwafele tu mone kutya Ombibeli oye lifatulula yo vene.

Ohatu konakona novanhu Ombibeli hatu longifa embo Ombibeli otai hongo lela shike? Embo olo ola yelifa monghedi ipu okuudiwa ko shi na sha naasho Ombibeli tai hongo lela, pashihopaenenwa kombinga yaKalunga, Jesus nosho yo onakwiiwa.

Mbela ekonakonombibeli olo ohali futilwa? Ekonakonombibeli olo oloshali, noileshomwa oyo hai longifwa ihai futilwa.

Ohali kwata oule wefimbo li fike peni poshikando? Ovanhu vahapu ohava konakona oule wovili lwaapo oshivike keshe. Ndelenee ohashi kala she likolelela komunhu oo ta konakoniwa naye. Ohatu dulu okuninga po omalunduluko she likolelela keenghalo domunhu keshe.

Oshike tashi ka ningwa po ngeenge onda pula ekonakonombibeli? Ngeenge owa pula ekonakonombibeli, Ondombwedi yaJehova otai ke ku talela po ponhele nopefimbo olo tali ku wapalele. Otai ke ku ulikila nghee ekonakonombibeli hali ningwa, tai longifa ashike ominute donhumba. Ngeenge owe shi panda, otai dulu okutwikila okukala hai konakona naave.

Mbela ngeenge onda tambula ko ekonakonombibeli, onda pumbwa okuninga Ondombwedi yaJehova? Hasho. Ohatu hafela okuhonga vamwe Ombibeli, ndele ihatu fininike ovanhu va ninge oilyo yelongelokalunga letu. Ponhele yaasho, ohatu hongo ashike ovanhu osho Ombibeli tai hongo, noku va efa va ninge omatokolo avo kuvo vene, molwaashi otwa fimaneka oufemba wakeshe umwe wokuninga omatokolo.—1 Petrus 3:15.

 

Lihonga shihapu

Omolwashike u na okukonakona Ombibeli?

Ombibeli otai kwafele ovanhu omamiliyona mounyuni aushe va mone omanyamukulo omapulo oo a fimanenena monghalamwenyo. mbela ino hala okukala umwe womuvo?

Ekonakonombibeli ohali ningwa ngahelipi?

Eendombwedi daJehova mounyuni aushe oda shiivikila okukonakona Ombibeli novanhu oshali. Tala kutya ohali ningwa ngahelipi.

Ino hala ekonakonombibeli?

Lihonga oshili yOmbibeli pefimbo noponhele oyo tai ku wapalele.