Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Omolwashike Eendombwedi daJehova ihadi ifana onhele yado yokwoongalela ongeleka?

Omolwashike Eendombwedi daJehova ihadi ifana onhele yado yokwoongalela ongeleka?

MOmbibeli, oshitya shOshigreka osho omafimbo amwe sha tolokwa “ongeleka” ohashi yukifwa kongudu yovalongelikalunga vonhumba, ndele haketungo omo hava ongala.

Diladila koshihopaenwa eshi: Eshi omuyapostoli Paulus a li a shangela Ovakriste vokuRoma, okwa li a tumina omakundo kovalihomboli, Akuila naPriska, nokwa li a weda ko a ti: “Kundileni po ongeleka oyo hai ongala meumbo lavo.” (Ovaroma 16:5, Contemporary English Version) Paulus ka li a kundila po etungo. Ponhele yaasho, omakundo aye okwa li te a tumine kovanhu, ile tu tye, keongalo olo hali ongala meumbo omo. *

Onghee hano, ponhele yokwiifana onhele yetu yokulongela Kalunga ongeleka, ohatu i ifana “Olupale lOuhamba.”

Omolwashike hai ifanwa “Olupale lOuhamba lEendombwedi daJehova”?

Outumbulilo oo owa yeleka omolwomatomheno onhumba:

  • Etungo ohali ifanwa olupale, ile onhele yokwoongala.

  • Ohatu ongala nelalakano lokulongela Jehova, Kalunga oo a popiwa mOmbibeli nosho yo oku mu hepaulula nokuyandja oundombwedi kombinga yaye.—Epsalme 83:18, NW; Jesaja 43:12.

  • Ohatu ongala yo opo tu lihonge kombinga yOuhamba waye oo Jesus a li ha popi kombinga yao.—Mateus 6:9, 10; 24:14; Lukas 4:43.

Owa manguluka okutalela po Olupale lOuhamba olo li li popepi naave opo u ke limonene ko ove mwene nghee Eendombwedi daJehova hadi ningi okwoongala kwado.

^ okat. 3 Outumbulilo wa faafana owa longifwa yo mo 1 Ovakorinto 16:19; Ovakolossi 4:15; nosho yo Filemon 2.

 

Lihonga shihapu

Oshike hashi ningwa pOlupale lOuhamba?

Tala meni lalo u litalele ko ove mwene.