Phi Lah ban Ïoh ïa ka Jingstad jong U Blei
“Ka jingthoh baroh ka long kaba la pyrsad mynsiem da U Blei.” (2 Timothi 3:16) Ha kane ka dkhot, “pyrsad mynsiem” ka mut ba U Blei u la bthah ïa ki nongthoh Baibl ban thoh ïa ki jingmut jong u.
U Blei U Kwah ïa Phi ba Phin Myntoi na ki Jinghikai jong U
‘Nga, nga long U Jehobah, . . . uba hikai ïa me ban pynmyntoi, uba btin ïa me ha ka lynti ba ka dei ïa me ban leit. Ah ba men da la shah shkor ïa ki hukum jong nga! Te ka jingsuk jong me kan da la long kum ka wah, bad ka hok jong me kum ki jingat phyllung ka duriaw.’—ISAÏAH 48:17, 18.
Phi lah ban shim ïa kito ki kyntien kum ka jingkhot sngewbha ïa phi na U Blei. U kwah ïa phi ban don ka jingsuk mynsiem bad ka jingkmen shi junom, bad u lah ban ïarap ïa phi ban shem ïa ki.
Phi lah ban ïoh ïa ka Jingstad jong U Blei
“Yn ïalap ïa ka gospel ha ki kynja bynriew baroh.”—MARKOS 13:10.
Ka “gospel” lane ka khubor babha ka kynthup ïa ki jingkular jong U Jehobah ban pynduh ïa ki jingjynjar, ban pynkylla ïa ka pyrthei sha ka paradais, bad ban pynmihpat ïa kiba ieid ba thoiñ jong ngi kiba la ïap. Ki Nongsakhi U Jehobah ki ïalap ïa kata ka khubor jong ka Baibl ha satlak ka pyrthei.
