FI MÉN KAR TI PRŨ FI FAG MỸ
1: Jagnẽ to jykre pir nỹtĩm nĩ
NE NỸ TAG TO KE NĨ?
Fi mén kar ti prũ fi fag tỹ jagnẽ to jykre pir nỹtĩn kỹ, fag pi jagnẽ vẽnh kãpãm nỹtĩ sór tĩ. Hã tugnĩn, fag tỹ jagnẽ kri fi tĩ. Fag tỹ ki kanhró nỹtĩ, fag tỹ nén ũ jagy ag kato tẽgtẽ nỹtĩ ra, ge ra fag tỹ vãsãnsãn ke mũ, fag tỹ jagnẽ mré há hã ki mũ jé.
Hã re mũn fi mén kar ti prũ fi fag tỹ jagnẽ mré nỹtĩ, fag kanhkã tỹ fag mỹ: “Jagnẽ mré nỹtĩm nĩ”, ke tugnĩn. Hã ra tỹ há nĩ, fag tỹ jagnẽ mré nỹtĩ, fag tỹ jagnẽ to há nỹtĩ tugnĩn, kar fag tỹ jagnẽ respeita ke tugnĩn.
BÍBLIA NE ẼG MỸ KE TĨ TI: “Ã prũ jẽn kỹ fi fón tũg nĩ.” — 1 Corinto 7:11.
“Ã tỹ ã prũ fi mré to jykre pir nĩn kỹ, ã pi fi to jũ nĩ, kar ã tỹ fi mỹ vẽnh pãte fón nĩgtĩ, to fũrũn. Kỹ ã pi ã prũ fi fón ke mũ, ã tỹ nén ũ jagy kato tẽ kỹ.” — Micah.
NE TUGNĨN TAG TI HÁ NĨ?
Fi mén kar ti prũ fi fag tỹ jagnẽ to jykre pir nỹtĩ tũg kỹ, nén ũ jagy ag tỹ fag mỹ hãn ri ken kỹ, fag tỹ jagnẽ vẽnh kãpãm sór mũ.
“Ũn e tỹ jagnẽ mré jãgjãg kỹ, kãnhmar ag tỹ jagnẽ fón ke to ãkrén tĩ. Hã ra ũn fag tỹ ge to jykrén kỹ, fag pi jagnẽ to jykre pir nỹtĩ, fag casamento ki.” — Jean.
à NE HYN HAN KE NĨ?
TAG TO JYKRÉN NĨ
Ãjag tỹ jagnẽ to jũgjũ nỹtĩn kỹ . . .
-
à mỹ to jykrén tĩ: ‘Ẽg tỹ jagnẽ mré jãgjãg ja tũ ra, mỹ há tĩg mũ vỹ hẽn’?
-
à jykre ki, ã mỹ ũnꞌũ mré jãg sór tĩ?
-
à mỹ ã mén ke tũ nĩn kỹ ã prũ fi mỹ tó mũ: “Isỹ ã mré nĩ sór tũ nĩ, kar isỹ ũnꞌũ mré jãg sór tĩ”?
à tỹ ge to jykrén kỹ, kỹ ã tỹ jagnẽ mré jykre pir tar ke nĩ, ã casamento to.
JAGNẼ MRÉ VÃMÉN NĨ
-
Ẽg mỹ jagnẽ to jykre pir nỹtĩ hã ki mũ hẽn? Ãjag tỹ jagnẽ to jykre pir nỹtĩ tũg kỹ, jagnẽ mré vãmén nĩ, tag to.
-
Ẽg ne han ke nỹtĩ, ẽg tỹ jagnẽ mré jykre pir tar nỹtĩ jé?
VẼNH JYVẼN HÁ AG
-
Kejẽn, vẽnh rá sĩnvĩ ag ránrán nĩ, ã mén, ke tũ nĩn kỹ ã prũ fi mỹ.
-
à prũ fi kãgrá, ke tũ nĩn kỹ ã mén kãgrá ma tĩg nĩ, ã rãnhrãj fã ra. Tag vỹ ũn ag mỹ ven ke mũ, ã tỹ ã prũ fi mré, ke tũ nĩn kỹ ã mén mré jykre pir nĩ, ã casamento to.
-
à tỹ kuvar há tá tĩg kỹ, kurã kar mĩ, ã mén ke tũ nĩn kỹ ã prũ fi mỹ liga kem nĩ.
BÍBLIA NE ẼG MỸ KE TĨ TI: “Hã kỹ fag tỹ vẽnh kãpãm tũg nĩ. Topẽ tỹ fag tỹ ũn pir han vẽ mỹr.” — Mateus 19:6.
