MBAꞌÉTI HEꞌISE?

Kuimbaꞌe ha kunhã omenda jave, opromete opyta haguã unido para sempre guarã. Ha upéa-gui, okonfia ojuehe. Haꞌe kuéra okonfia ke káda um ojapo-ta opromete akue. Mesmo ohasa-ramo jepe umi luta opyta-ta onhõndive.

Oĩva omendáva só opyta onhõndive porke iparente kuéra oipota-ségui. Só ke opyta haguã onhõndive haꞌe kuéra tenkese ojohayhu hikuái ha ojorespeita. Ndahaꞌéi só porke iparente ha amigo kuéra oipota-gui.

A BÍBLIA OMOMBEꞌU: “Kwimbaꞌe katu, ani teĩ erepoi ne rembireko-gwi.”—1 Coríntios 7:10-11.

Misael a omombeꞌu: “Si kasamento importante ndéve, nomachái nde poxy reí nde irũ ndive kualker kósa reí. Ereko jave algum probrema kasamento, omacha enheꞌẽ jey, etalha onhõndive, eresolve probrema onhõndive. Nomachái pejesepara.” Péixa haꞌe heꞌi.

MAꞌERÃ INHĨMPORTANTE?

Oĩva kuimbaꞌe ha kunhã omendáva nokumpríri inheꞌẽ. Haꞌe kuéra oreko jave probrema onhõndive heꞌi: “Nanhõntendevéi xe irũ ndive, ajedivorsia-ta chugui.”

Rosana omombeꞌu: “Oĩva hénte kuéra omenda ojuehe oikuaa ke ojopoi-taha. Só ke péixa haꞌe kuéra nokumpríri inheꞌẽ, desde omenda guive voi.” Péixa haꞌe heꞌi.

MBAꞌÉPA NDE EJAPO-TA?

EGUAPY EPENSA

Mbaꞌépa nde rejapo nde poxy jave nde irũ ndive . . .

• Ndépa renhẽmbyasy remenda hague nde irũ ndive?

• Nde remendase otro-rehe?

• Nde ere nde irũ-pe: “Xe roheja-ta ndéve!” ou ere “Aha-ta otro ndive omeꞌẽva xéve valor”?

Mbaꞌéixa nde eresponde umi pergunta? Eresponde-ramo “sim” umi pergunta, iporã ne manduꞌa epromete akue nde irũ-pe remenda-rõ guare.

ETALHA NDE IRŨ NDIVE

• Eporandu nde irũ-pe, nhãndeiko nhãkumpri teri nhãnde nheꞌẽ kómo nhãmenda-rõ guare? Si nhãnde nanhãkumpríri nhãnde nheꞌẽ, maꞌerãpa nanhãkumpríri?

• Mbaꞌépa tenkese jajapo nhãkumpri haguã nhãnde nheꞌẽ kasamento-pe?

IDEIA EJAPO HAGUÃ

• Emombeꞌu nde rembireko-pe ou ne mena-pe ke nde rehayhu teeha chupe, edeklara chupe.

• Egueraha nde esposa foto ou ne ména foto rembaꞌapo-hápe.

• Omacha-ta religa todo zia ne ména ou nde esposa, enheꞌẽ haguã chupe, mombyry jepe oirõ ndehegui. Mesmo reime-ramo nde serviso-hápe.

A BÍBLIA OMOMBEꞌU: ‘Ombopoi uka eꞌỹ katu . . . Nhandejáry remimbojeheꞌa.’—Mateus 19:6.