Kwenda na mambu ke na kati

Bima yina Bantu Me Bikisaka Ke Ndimisa nde Ntotila Davidi Zingaka Kibeni

Bima yina Bantu Me Bikisaka Ke Ndimisa nde Ntotila Davidi Zingaka Kibeni

Biblia ke monisaka nde Ntotila Davidi zingaka na mvu-nkama ya 11 na ntwala nde Yezu kubutuka mpi bana na yandi yalaka bamvula mingi. Kansi bantu ya nkaka ke tubaka nde Davidi vandaka ve muntu ya kieleka, yandi zingaka ve; bantu me gangaka disolo na yandi ya kuganga. Keti Ntotila Davidi zingaka kibeni?

Na 1193, Avraham Biran muntu mosi ya ke longukaka bima ya bantu ya zingaka na ntangu ya ntama me bikaka mpi bantu na yandi kwisaka kumona kitini mosi ya ditadi na Tel Dan, na nordi ya Izraele. Na zulu ya ditadi yango, bo monaka bisono yai “Nzo ya Davidi.” Bo sonikaka yo na bisono ya ntama ya sémitique banda na mvu-nkama ya uvwa na ntwala nde Yezu kubutuka. Ntembe kele ve nde kitini ya ditadi yina katukaka na monima yina bantu ya Arami tungaka sambu na kudikumisa mutindu bo nungaka bantu ya Izraele.

Disolo mosi ya kele na mukanda mosi (Bible History Daily) ke tuba nde: “Bisono ‘Nzo ya Davidi’ na bantu yina ke ndimaka yo ve . . . Kansi bantu mingi ya mayele ya ke tubilaka Biblia mpi bantu ya ke longukaka mambu ya bantu yina zingaka na ntangu ya ntama me ndimaka na luzolo yonso nde monima ya Tel Dan me pesaka nzikisa ya ntete ya ke monisa nde Ntotila ya Davidi yina Biblia ke tubilaka vandaka muntu yina zingaka kibeni na ntangu ya ntama. Monima yina kele kima ya kuluta nene yina bantu ya ke longukaka mambu ya bantu yina zingaka na ntangu ya ntama me monaka mpi ya me basikaka na kamukanda mosi (Biblical Archaelogy Review).”